Tuesday, December 18, 2012

விண்டோஸ் 8 இன்ஸ்டால் செய்வது எப்படி?

நான் முன் பதிவில் கூறியபடி கூகுள் ஆண்டவர் துணையுடன் விண்டோஸ் 8-ஐ டோரண்ட் வடிவில் தேடியபொழுது ஒரு சில டோரெண்ட்டுகள் கிடைத்தது. நான் ஏன் டோரண்ட் ஃபைலை தேடினேன் என உங்களுக்கு சந்தேகம் வரலாம். பெரிய ஃபைல்களை சாதரணமாக டவுன் லோடு செய்வது இயலாத காரியம். காரணம் கரண்டு போனாலோ அல்லது இண்டர்நெட் டிஸ்கனெக்ட் ஆனாலோ, அதுவரை நாம் டவுன்லோடு செய்தது எல்லாம் டெலிட் ஆகிவிடும். மறுபடியும் ஆரம்பத்திலிருந்தே டவுன் லோடு செய்ய வேண்டும். அதனால் சினிமா டி.வி.டி, விடீயோ போன்றவற்றை டோரண்ட் ஃபைலாக கன்வெர்ட் பண்ணி அப்லோடு செய்து விட்டால், U Torrent, Bit Torrent போன்ற டோரெண்ட் கிளையண்ட் மூலம் டவுன்லோடு செய்ய வசதி. நாம் கம்பியூட்டரை ஆன் செய்திருக்கும் பொழுது(இண்டர் நெட் இணைப்பு இருந்தால்) தானாகவே தொடர்ந்து டவுன்லோடு ஆகும். ஆஃப் செய்துவிட்டால், அதுவரை டவுன்லோடு செய்தது அப்படியே இருக்கும். அடுத்த முறை ஆன் செய்யும் பொழுது தொடர்ந்து டவுன்லோடு ஆகும். 

நான் U Torrent இன்ஸ்டால் செய்திருக்கிறேன். கூகுள் சர்ச்சில் கிடைத்த விண்டோஸ் 8 டோரெண்ட் ஃபைல் "Windows 8 Pro VL(x86+x64) Untouched DVD(EN) + Permanent Activator" ஆகும். அதாவது விண்டோஸ் 8 புரபொஷ்னல் -  வி. எல் என்பது வால்யூம் லைசென்ஸ் என்பதாகும். இது போன்ற லைசென்ஸ்  கம்பியூட்டர் தயாரிப்பாளர்கள் தங்கள் கம்பியூட்டர்களில் ஆபரேட்டிங் சிஸ்டத்தை பிரி இன்ஸ்டால் செய்வதற்கு  மைக்ரோஸாப்டால் வழங்கப்படும் லைசென்ஸ் ஆகும். இந்த ஓ. எஸ்-ல் ப்ராடக்ட் கீ அதனுள்ளே இருக்கும். எனவே ஒரு டிவிடியை வைத்து எத்தனை கம்பியூட்டரிலும் இன்ஸ்டால் செய்யலாம்.  அதன் பின் இந்த கம்பியூட்டர்களை மைக்ரோ ஸாஃப்டின் ஆக்டிவேட்டர்  சாப்ட்வேர் மூலம் ஆக்டிவேட் செய்யும் பொழுது, கம்பியூட்டர் கம்பெனியின் கணக்கில் அது சேர்க்கப்படும். அதன் அடிப்படையில் கம்பெனி மைக்ரோசாஃப்ட்டுக்கு பணம் கொடுக்கும். எனவே இதற்கு 25 இலக்க கீ கிடையாது. 

x86,x64 என்பது 32 பிட், 64 பிட் ப்ராஸசரை குறிக்கும்.

நீங்கள் ஒரிஜினல் Windows 8 Professional -ஐ உங்கள் கம்பியூட்டரில் இன்ஸ்டால் செய்து பெர்மனெண்ட் ஆக்டிவேஷன் செய்ய  விரும்பினால்  முதலில் உங்கள் கம்பியூட்டரில் U Torrent-ஐ டவுன்லோடு செய்து இன்ஸ்டால் செய்ய இந்த லிங்கை கிளிக் செய்து "U Torrent Stable (3.2.3 Build 28705) என்பதை டவுன் லோடுசெய்யுங்கள். இன்ஸ்டால் செய்துவிடுங்கள்.

அடுத்தபடியாக  இந்த லிங்கை கிளிக்செய்யுங்கள். Extra Torrent பக்கம் திறக்கும். அதில் Download (Download Torrent) என்ற பட்டனை கிளிக் செய்யுங்கள். இப்பொழுது ஒரு சிறிய பக்கம் ஒன்று தோன்றும். அதில் இருக்கும் ஓகே பட்டனை கிளிக் செய்யுங்கள். டோரண்ட் டவுன்லோடு ஆகி வேறு ஒரு பேஜ் தோன்றும். அதில் எந்த டிரைவில் டோரண்ட் பைலை சேமிக்க வேண்டுமோ அதை மார்க் செய்து  ஓகே கொடுங்கள்.  இனி  யூடோரண்ட் பேஜ் தோன்றி அதில் விண்டோஸ்8 பைஃல் சேர்ந்து விடும். அதன் பின் அந்த பைஃல் டவுன்லோடு ஆக ஆரம்பிக்கும். இந்த பைஃலின் அளவு 2.23 ஜி.பி ஆகும். இது முழுவதும் டவுன் லோடு ஆக எப்படியும் 5-6 மணி நேரம் ஆகும். இது இண்டர்நெட் ஸ்பீடை பொறுத்தது.

டவுன்லோடு ஆகும் பைஃல் WIN RAR பார்மெட்டில் இருக்கும். நீங்கள் உங்கள் கம்பியூட்டரில் வின்ரேர் இண்ஸ்டால் செய்திருக்கவில்லை என்றால் இந்த லிங்கை கிளிக் செய்து என் டிராப் பாஃக்சில் இருந்து டவுலோடு செய்து இன்ஸ்டால் செய்யுங்கள்.

டோரண்ட் பைஃல் முழுவதும் டவுன்லோடு ஆனவுடன் அதை வின்ரேர் மூலம் எக்ஸ்டிராக்ட் செய்யுங்கள்.  இப்பொழுது விண்டோஸ் 8 டிவிடியின் இமேஜ் பைல்,பெர்மனெண்ட் ஆக்டிவேட்டர், எப்படி இன்ஸ்டால் செய்யவேண்டும் என்பதை விவரிக்கும் வீடியோ ஆகியவை இருக்கும்.

நீங்கள் இமேஜ் பைஃலை டிவிடியில் ரைட் செய்து இன்ஸ்டால் செய்யலாம். அல்லது  யு.எஸ்பி பென் டிரைவில் இன்ஸ்டால் செய்து அதன் மூலம் சிஸ்டத்தில் இன்ஸ்டால் செய்யலாம். பெண்டிரைவ் மூலம் இன்ஸ்டால் செய்வதாக இருந்தால்  மைக்ரோசாஃட்டின் " Windows 7 USB -DVD -Tool" ஐ இந்த லிங்கை கிளிக் செய்து அதில் இன்ஸ்டலேஷன் என்ற தலைப்பின் கீழ் windows7 usb dvd download tool என்ற சிகப்பு நிற வாசகத்தை கிளிக் செய்து டவுன்லோடு செய்து சிஸ்டத்தில் இன்ஸ்டால் செய்யுங்கள்.

பென் டிரைவ் குறைந்த பட்சம் 4 ஜி.பியாக இருக்க வேண்டும். பென் டிரைவை சிஸ்டத்தில் இணைத்துவிட்டு, டெஸ்க்டாப்பில் இருக்கும்  யூ.எஸ்பி டூல் ஐகானை கிளிக் செய்யுங்கள். பேஜ் தோன்றும். அதில் கேட்டுள்ள படி யூ எஸ்பி, இமேஜ் பைல் ஆகியவற்றை தெரிவு செய்து ஓகே கொடுத்தால்  விண்டோஸ் இமேஜ் பைஃல் யூ.எஸ்பியில் இன்ஸ்டால் ஆகிவிடும்.

இனி இந்த யூ.எஸ்.பியை இணைத்தபடியே சிஸ்டத்தை ரிஸ்டார்ட் செய்து பூட் மெனுவில் யூ எஸ்பி என பூட் ஆஃப்ஷனை தேர்வு செய்துவிட்டால்  போதும். விண்டோஸ் 8 இன்ஸ்டால் ஆகிவிடும். அதன் பின் பெர்மனெண்ட் ஆக்டிவேட்டரை ஓடவிட்டால்  ஆக்டிவேட் ஆகிவிடும்.  இதை தெரிந்து கொள்ள  வீடியோ டுடோரியலை பார்க்கவும்.

முடிந்தது கதை...............

மீண்டும் சந்திப்போம்.







Monday, December 3, 2012

சோலார் டி.சி (DC) பவர் சிஸ்டம் - 1

பொதுவாக சோலார் பவர் சிஸ்டத்தை இரண்டு வகையாகபிரிக்கலாம்.

1. சோலார் பேனல்களிலிருந்து பெறப்படும் டி.சி மின்சாரத்தை சார்ஜ் கண்ட்ரோலர் மூலம் ஒழுங்கு படுத்தி 12 வோல்ட் பாட்டரிகளில் சேமித்து அதை கொண்டு 12 வோல்ட் டி.சி மின்சாரத்தில் இயங்கக்கூடிய விளக்கு, பேன் போன்றவற்றை இயக்க பயன்படுத்துவது டி.சி பவர் சிஸ்டம் .

2. மேற்கூறியவாறு பாட்டரிகளில் சேமிக்கப்பட்ட டிசி மின்சாரத்தை  இன்வெர்ட்டர் என்ற சாதனத்தின் மூலம் 230வோல்ட் ஏசி மின்சாரமாக மாற்றி, நாம் உபயோகப்படுத்தும் மின் சாதனங்களை இயக்க பயன்படுத்துவது ஏசி பவர் சிஸ்டம்.

இதற்கு முந்தைய பதிவுகளில், இரண்டாவதாக கூறப்பட்டுள்ள 230 வோல்ட் ஏசி பவர் சிஸ்டத்தை பற்றி விரிவாக பார்த்து விட்டோம். இனி டிசி பவர் சிஸ்டத்தை பற்றி பார்க்கலாம்.கீழே காட்டப்பட்டுள்ள படம் டி.சி சோலார் பவர்  சிஸ்டத்தின் அடிப்படை இணைப்பை விளக்குகிறது.
 
இதன் அடிப்படையில்தான் டிசி சோலார் பவர் சிஸ்டம் அமைக்கப்படுகிறது.

கீழே உள்ள லாந்தர் விளக்கு மாடல்  சோலார் பவர் சிஸ்டத்தை பாருங்கள்.


இதில் சோலார் பேனல் நீங்கலாக பாட்டரி, சார்ஜ் கண்ட்ரோலர், சி.எஃப்.எல் பல்பு ஆகியவை விளக்கினுள் பொருத்தப்பட்டுள்ளது. சூரிய ஒளி படும்படி பகல் நேரத்தில் பேனலை வைத்து விட்டு, அதனுடன் இணைக்கப்பட்டுள்ள வயரை விளக்கில் இணைத்து விட வேண்டும். பாட்டரி சார்ஜ் ஆகிவிடும். இரவில் விளக்கை மட்டும் எடுத்து எமெர்ஜென்சி விலக்கு போல உபயோகப்படுத்தலாம். இந்த விளக்கு எரியும் நேரம் இதில் பொருத்தப்பட்டுள்ள பாட்டரி, சோலார் பேனலின் திறனை பொறுத்து வேறுபடும். உத்தேசமாக 10W/12V சோலார் பேனல், 7Ah /12V பாட்டரி, 7W CFL பல்பு கொண்ட லைட் 8-10  மணி நேரம் எரியும்.

பொதுவாக சோலார் டி.சி பவர் சிஸ்டத்தில் சி.எஃப்.எல் பல்பு அல்லது எல்.இ.டி பல்புகள் பயன்படுத்தப்படும். இவற்றின் வேறுபாடு, பயன் பற்றி இனி பார்ப்போம். 

மின் பல்புகளில் இருந்து வெளிவரும் வெளிச்சத்தின் அளவு லுமென்ஸ்(Lumens) என அழைக்கப்படும். அதைப்போலவே சாதாரண குண்டு பல்பு  Incandescent Bulp எனப்படும். கீழே உள்ள அட்டவணையை பாருங்கள்.


40 வாட்ஸ் குண்டு பல்பு தரும் வெளிச்சத்தின் அளவு 450 லூமென்ஸ் ஆகும். ஆதே வெளிச்சத்தை 8-12 வாட்ஸ் சி.எஃப்.எல் பல்பும், 4-5 வாட்ஸ் எல்.இ.டி பல்பும் தருகிறது.

அதாவது குண்டு பல்புக்கு தேவைப்படும் மின்சாரத்தில் 5-ல் 1 பங்கு மின்சாரத்தை சி.எஃப்.எல் பல்பும், 8-ல் 1 பங்கு மின்சாரத்தை எல்.இ.டி பல்பும் எடுக்கிறது. அதே நேரத்தில் அதன் வாழ்நாளும் அதிகம். சாதாரண குண்டு பல்பின் ஆயுட் காலம் 1200 மணி நேரம். சி.எஃப்.எல் பல்பின் ஆயுட்காலம் 10,000 மணி நேரம். எல்.இ.டி பல்பின் ஆயுட்காலம் 50,000 மணி நேரம் ஆகும்.

இந்த சி.எஃப்.எல், எல்.இ.டி பல்புகள் நேரடியாக மின்சாரத்தில் இயங்கக்கூடியது அல்ல. 6V/12V DC மின்சாரத்தில் எரிய அதற்குரிய சோக் எனப்படும் எலெக்ட்ரானிக் பாலஸ்ட்  இணைக்கப்பட்டிருக்கும். அதைப்போலவே நாம் உபயோகிக்கும் 230V ஏ.சி மின்சாரத்தில் எரியும் சி.எஃப்.எல் அல்லது எல்.இ.டி விளக்குகளில் அதற்கான பாலஸ்ட் இணைக்கப்பட்டிருக்கும்.

இனி மத்திய அரசு மானியம் பெற அங்கீகரிக்கப்பட்டுள்ள சிஸ்டம் மாடல்களை பற்றி பார்க்கலாம்.

1. SLOAR LANTERN

சோலார் பேனல்  -- 10W/12V
பாட்டரி-----------------7 AH/12V
பல்பு ---------------------7 W CFL
பாட்டரி சார்ஜிங் நேரம்------- 4 மணி நேரம்
உபயோகிக்கும் நேரம்---------12 மணி நேரம்.

2. CFL HOME LIGHTING SYSTEM  

 MODEL NO.1 - ONE LIGHT

சோலார் பேனல்---------------- 18W/12V
பாட்டரி-------------------------------- 20AH/12V
பல்பு ------------------------------------ CFL 9W/11W
சார்ஜ் கண்ட்ரோலர்

MODEL NO.2 - 2 LIGHT

சோலார் பேனல் ---------------  37 W/12V
பாட்டரி ------------------------------ 40AH/12V
பல்பு ------------------------------------ 2 Nos CFL 9W/11W
சார்ஜ் கண்ட்ரோலர்                                                                                                                     

MODEL NO.3 - 2 LIGHT + 1 FAN

சோலார் பேனல் ------------- 2 Nos 37W/12V or 1 No 74W/12V
பாட்டரி ----------------------------75AH/12V
பல்பு ---------------------------------2 Nos CFL 9W/11W
ஃபேன் ------------------------------20W - DC FAN
சார்ஜ் கண்ட்ரோலர்

MODEL NO.4  - 4 LIGHTS

சோலார் பேனல் ------------- 2 Nos 37W/12V or 1 No 74W/12V
பாட்டரி ----------------------------75AH/12V
பல்பு ---------------------------------4 Nos CFL 9W/11W
சார்ஜ் கண்ட்ரோலர்

மேற்கூறிய மாடல்கள் அனைத்தும் மத்திய அரசின் அங்கீகாரம் பெற்ற சப்ளையர்களிடம் கிடைக்கும். அவர்களிடம் வாங்கினால் அரசு மானியம் கிடைக்கும். சப்ளையர் விபர பட்டியல் ஏற்கனவே  கொடுத்துள்ளேன்.

மீண்டும் சந்திப்போம்......................



Tuesday, November 27, 2012

நுகர்வோர் வழக்கு - K.வினோத் அவர்களின் இ-மெயிலுக்கான பதில்.

எனது வலைப்பக்க வாசகர் K. வினோத், ஆன்லைன் மூலம் நுகர்வோர் பொருட்களை விற்பனை செய்யும்  "TIMTARA" http://www.timtara.com/ என்ற நிறுவனத்தில் ஒரு பொருளை ஆர்டர் செய்ததாகவும், 15-20 நாட்களில் பொருள் டெலிவரி செய்யப்பட்டுவிடும் என கூறியிருந்தும் மூன்று மாத காலமாகியும் பொருள் டெலிவரி செய்யப்படாததுடன், எவ்வித தகவலையும் அவர்களிடமிருந்து பெற இயலவில்லை. எனவே அந்த நிறுவனத்தின் மீது, நுகர்வோர் வழக்கு தொடர என்னிடம் ஆலோசனை கேட்டிருந்தார். அது தொடர்பாக பதில் அளிக்கும் வகையில் இந்த பதிவு.

நுகர்வோருக்கு (வாடிக்கையாளருக்கு) ஒரு பொருளை விற்பனை செய்ததிலோ அல்லது சேவையை (சர்வீஸ்) வழங்கியதிலோ குறைபாடு ஏற்படுமானால்,  அதை சரி செய்யக்கோரியும், அதனால் ஏற்பட்ட நஷ்டத்தை ஈடு செய்ய கோரியும் விற்பனையாளர் அல்லது சேவையை வழங்கிய நிறுவனத்தின் மீது  நுகர்வோர் பாதுகாப்பு சட்டப்படி வழக்கு தொடரமுடியும்.

பாதிக்கப்பட்ட நுகர்வோர்  முதலில் சம்பந்தப்பட்ட நிறுவனத்திற்கு, குறைபாடு மற்றும் அதனால் ஏற்பட்ட கஷ்ட நஷ்டங்களை  குறிப்பிட்டு அதை சரி செய்ய வேண்டும் நஷ்ட ஈடு வழங்க வேண்டும் அவ்விதம் செய்யாவிட்டால் வழக்கு தொடரப்படும் என்ற விபரத்தை எழுத்து மூலம் (பதிவுதபால், ஃபேக்ஸ், இ- மெயில்) 15 நாள் அவகாசத்துடன் நோட்டீஸ் வடிவத்தில் அனுப்பவேண்டும்.  

15 நாட்களில் திருப்திகரமான பதில் கிடைக்காவிட்டால் அல்லது பதிலே கிடைக்காவிட்டால், அவருக்கு வழக்கு தொடருவதில் ஆட்சேபணை இல்லை என முடிவு செய்து முறைப்படி நாம் வசிக்கும் இடத்திற்கு உட்பட்ட மாவட்ட நுகர்வோர் குறைதீர் மன்றத்தில் வழக்கு தொடரலாம்.

இவருடைய விஷயத்தில் நோட்டீஸ் அனுப்புவதிலேயே பிரச்சனை உள்ளது. கம்பெனி வெப்சைட்டில் முகவரி இல்லை. அதனால் அந்த நிறுவனத்திற்கு லீகல் நோட்டீஸ் அனுப்பமுடியாது. மேலும் வழக்கு தொடரும்பொழுது எதிர் மனுதாரரை முகவரியுடன் குறிப்பிட்டே மனு தாக்கல் செய்ய முடியும். நம் மனுவின் நகல் எதிர்மனுதாரருக்கு பதிவுத்தபாலில் நீதிமன்றம் அனுப்பும்.

எனவே கம்பெனியின் நிரந்தர முகவரியை முதலில் கண்டுபிடிக்க வேண்டும். அந்த வேலையை தனிப்பட்ட முறையில் செய்யமுடியாது.  நாம் ஆன்லைன் மூலம் வங்கி கணக்கிலிருந்து கம்பெனியின் கணக்கு பணம் மாற்றம் செய்திருப்போம். அல்லது விசா கார்டு, கிரெடிட் கார்டு மூலம் பணமாற்றம் செய்திருப்போம். எனவே நாம் செய்த பணமாற்றம் எந்த கணக்கில் போய் சேர்ந்ததோ அந்த வங்கி கணக்குக்கு சொந்தக்காரரின் முகவரியை கண்டுபிடிக்க வேண்டும். எனவே இதை பண மோசடி வழக்காக காவல் துறையில் புகார் அளிக்க வேண்டும்.  காவல்துறை வங்கியின் உதவியுடன் பணம் பெற்ற நிறுவனம்/நபரின் பெயர் முகவரியை கண்டுபிடித்து நீதிமன்றத்தில் கிரிமினல் வழக்கு தொடருவார்கள்.

இவர் என்ன பொருள் ஆர்டர் செய்தார்? எவ்வளவு பணம் செலுத்தினார் என்ற விபரத்தை குறிப்பிடவில்லை.

சுண்டைக்காய் கால் பணம் சுமை கூலி முக்கால் பணம் என்ற நிலைதான் ஏற்படும்.

செலுத்திய தொகை சொற்பம் என்றால் கெட்ட கனவாக நினைத்து மறந்து விடுவது உசிதம். காரணம் காவல் துறையில் புகார் செய்து கிரிமினல் வழக்கு தொடர்ந்தால் வழக்கு முடிய பல ஆண்டுகள் ஆகும். அதோடு ஆகும் செலவும் காலவிரயமும் கணக்கிட முடியாது.

நுகர்வோர் வழக்கை வக்கீல் மூலமாக நடத்தினால் வக்கீல் பீஸ் ஆக குறைந்த பட்சம் ரூ.3000-5000 வரை கொடுக்க வேண்டும். வழக்கு விசாரணைக்கு வரும் நாட்களில் நம் வக்கீல் ஆஜராகிரா என்பதை பார்க்க நாமும் நீதிமன்றம் செல்ல வேண்டும். குறைந்த பட்சம் மாவட்ட நுகர்வோர் நீதிமன்றத்தில் தீர்ப்பு கிடைக்க மூன்று ஆண்டுகள் ஆகும். தீர்ப்பு நமக்கு சாதகமாக இருந்தால் எதிராளி மாநில ஆணையத்தில் மேல் முறையீடு செய்வார். நமக்கு பாதகமாக இருந்தால் நாம் மேல் முறையீடு செய்ய வேண்டும். அங்கும் மூன்றாண்டுகள் ஆகும் தீர்ப்பு கிடைக்க. இங்கும் வாதாட வக்கீலுக்கு பீஸ் கொடுக்க வேண்டும். வழக்கறிஞர் இன்றி நாமே நடத்தினால் பணச்செலவு கிடையாது. ஆனால் கிட்டத்தட்ட 5வருடம் அலைய வேண்டும். கிடைக்கும் நஷ்ட ஈடும், வழக்கு செலவுக்காக தரும் தொகையும் சேர்த்து பார்த்தாலும் வக்கீல் பீசுக்கு சரியா வராது.

எதிராளிக்கு ஒரு பாடம் கற்பிக்க வேண்டும் என்ற வெறி இருந்தால் சொற்ப தொகையாக இருந்தாலும் வழக்கு தொடரலாம். அல்லது பெரும் தொகையாக இருந்தால் வழக்கு தொடருவதை தவிர்க்க முடியாது.

இதை அவரே முடிவு செய்ய வேண்டும்.

மீண்டும் சந்திப்போம்..............


 



Thursday, November 15, 2012

சோலார் சிஸ்டம் அமைத்தல் - உங்கள் சந்தேகத்திற்கான விளக்கம்.

தவிற்க முடியாத காரணத்தால் கழிந்த ஏழு வாரமாக வலை பக்கமே வர முடியவில்லை. அதனால் சோலார் மின்சாரம் தொடர்பாக பலர் அனுப்பியிருந்த மெயில்களை படிக்க முடியவில்லை. பெரும்பாலும் மெயில்களில் காணப்பட்ட விஷயங்கள் ஒரே மாதிரியாக இருப்பதால் அவற்றிற்கு தனித்தனியாக பதில் அனுப்புவதை காட்டிலும் அவற்றிற்கான பதிலை ஒரு பதிவாக போட்டு விட்டால், எல்லோருக்கும் உபயோகமாக இருக்கும் என்பதால் இந்த பதிவு.

இ-மெயிலில் குறிப்பிடப்பட்டுள்ள விஷயங்கள்.

1. அரசு அங்கிகாரம் பெற்ற சப்ளையர்களின் பட்டியலுக்கான லிங் திறக்கவில்லை.

2. எந்த சப்ளையர் நம்பிக்கையானவர்? நியாயமான விலையில் அமைத்து கொடுக்கும் சப்ளையர் யார்?.

3. எனது தேவை இதுதான். இதற்கு எத்தனை வாட் சோலார் சிஸ்டம் தேவை?

இது போன்ற சந்தேகங்கள் உங்களுக்கு வரக்கூடாது. நீங்களே தேவையை கணக்கு பார்த்து நிர்ணயம் செய்து, சரியான சப்ளையரை தேர்ந்தெடுக்கும் அளவிற்கு நீங்கள் விஷயங்களை புரிந்து கொள்ள வேண்டும் என்பதற்காகவே  சோலார் மின்சாரம் பற்றிய பதிவு - பல பகுதிகளாக பதிவிடப்பட்டது.

தகவல்கள்.

1.மத்திய அரசால் (MNRE) அங்கீகரிக்கப்பட்ட, சோலார் சிஸ்டம் அமைத்து கொடுப்பவர்களின் முகவரி பட்டியலின் விபரம் இப்பொழுது எனது டிராப் பாக்ஸ்-ல் அப்லோடு செய்யப்பட்டுள்ளது. இதில் குறிப்பிடப்பட்டுள்ளவர்கள் அரிக்கேன் விளக்கு மாடலில் உள்ள சிறிய விளக்குகள், தெரு விளக்குகள், குடிசை வாழ் மக்களின் தேவையை பூர்த்தி செய்யும் சிலமணி நேரம் மட்டுமே ஒன்று அல்லது இரண்டு சி.எஃப் எல் விளக்குகளை எரிய வைக்க் கூடிய சிஸ்டங்கள், நம் தேவைக்கு ஏற்ப சிஸ்டத்தை( 1கிலோ வாட், 2 கிலோ வாட் .. etc) நிர்மானித்து கொடுப்பவர்கள் ஆகியோர் அடங்குவர். எனவே நமக்கு தேவையான 1கிலோ வாட் சிஸ்டத்தை அமைப்பவர்கள் யார் என்பதை தெரிந்து கொள்ள வேண்டும்.  பட்டியலின் லிங் கீழே தரப்பட்டுள்ளது.

https://dl.dropbox.com/u/85335284/list_manufacturers_SPV_NABARD.pdf.pdf

2. தமிழ் நாடு அரசால் அங்கீகரிக்கப்பட்டவர்களின் பட்டியலின் லிங் கீழே கொடுக்கப்பட்டுள்ளது. இதிலும் நம் தேவைக்கு ஏற்ற சிஸ்டம் (1 கிலோ வாட்) அமைத்து தருபவர்களை தேர்வு செய்து கொள்ள வேண்டும்  

http://www.teda.in/site/index/id/5j9q4z2i5v.

1கிலோவாட் சிஸ்டத்தை தமிழ் நாட்டில் அமைத்துக்கொடுக்கும் சில நிறுவனங்களின் (எனது தேர்வு) முகவரியை கீழே கொடுத்துள்ளேன்.

1.  Thakral Services (India) Ltd, 15. Saravana Street, T.Nagar, Chennai-600 017.                      Ph. 45011440/41/42
website"  http://www.thakral-india.co.in/

2. SELCO Solar Light (P) Ltd, 742, 15 cross, 6th phase, JP NAGAR, BANGALORE-560 078.

Contact Person for Tamil Nadu  --- VIKSHUT MUNDKUR    Ph. 99724 20922


website:  http://www.selco-india.com/

3. Solariz Green Power Pvt Ltd, Chennai 
M.Selvakumar, ME, Ph. 95000 70195.

website:  http://www.solarizgreenpower.com/ 

 தமிழ் நாட்டில் உள்ள சில சப்ளையர்களின் ரேட்-ஐ ஒப்பிட்டு ஒரு பதிவு போடப்பட்டுள்ளது. அதன் மூலம் நீங்கள் சரியான சப்ளையரை தேர்ந்தெடுத்து கொள்ளலாம். பதிவின் லிங் கீழே.

http://lawforus.blogspot.com/2012/06/blog-post_28.html

விவசாயத்திற்கான சோலார் பம்புசெட்
விவசாயத்திற்கான சோலார் பம்பு செட் அமைக்க மத்திய அரசு நபார்டு வங்கி மூலம் கடன் உதவியும், மானியமும் வழங்குகிறது.

1800 வாட் சோலார் பேனல் மூலம் இயங்கும் 2 ஹெச்.பி மோட்டார் பம்பு(மோனோ பிளாக், சப்மெர்சிபிள் பம்பு, புளோட்டிங் பம்பு போன்றவை, 6-7 மீட்டர் ஆழத்திலிருந்து 1,40,000 லிட்டர் தண்ணீரை  ஒரு நாளைக்கு இறைக்கும்.  இதை அமைக்க ஆகும்  உத்தேச செலவு 4.5 லட்சம். இதில் மானியமாக 1.8 லட்சம் கிடைக்கும். விபரங்களுக்கு நபார்டு வங்கியை அணுகினால் அனைத்து விபரங்களும் கிடைக்கும். அல்லது கிராமிய வங்கியை அணுகவும். இந்த சிஸ்டத்தை அமைத்துக்கொடுக்கும் அரசு அங்கீகாரம் பெற்ற உற்பத்தியாளர்களின் பட்டியல் கீழே தரப்பட்டுள்ளது.



மீண்டும் சந்திப்போம்..............









Wednesday, September 19, 2012

காணாமல் போகும் "வாத்தியார்" இனம்-2

இந்த பதிவின் முன் பகுதியை படிக்க இதை கிளிக் செய்யவும்.

அவரை உற்று பார்த்தேன். "சார். எப்படி இருக்கீங்க?" என்று பேச்சை ஆரம்பித்தேன்.

"நீ எப்படிருக்க அத முதல்ல சொல்லு. எனக்கு வயசாயிட்டுது. இனி என்ன இருக்கு?. ஏதோ நாளை எண்ணிட்டு இருக்கேன்" என்றார்.

நான் கல்லூரியை முடித்துவிட்டு வந்த பொழுது அவர் வேறு ஊருக்கு மாற்றலாகி போய்விட்டார். அதனால் அவரை சந்திக்கவே முடியவில்லை. தமிழ் எம்.ஏ முடித்து விட்டதால் அவர் அரசு கலைக்கல்லூரிக்கு விரிவுரையாளர் பணிக்கு மாற்றம் கேட்டு விண்ணப்பித்ததாகவும், சீனியாரிட்டி அடிப்படையில் அவருக்கு சில வருடங்களில் கிடைத்ததாகவும். ரிடயர்டு ஆகும் வரை ஊர் ஊராக சுற்ரியதாகவும் தன் கதையை கூறினார். அவர் மனைவியும் அரசு ஆசிரியை. அவர் அப்பொழுதான் சென்னையில் தலைமை ஆசிரியராக பணியாற்றி ஓய்வு பெற்றாராம். எல்லாவிபரங்களையும் ஆர்வத்துடன் கூறினார். என்னைப்பற்றியும் கேட்டு தெரிந்து கொண்டார். நேரம் போனதே தெரியவில்லை. மதியம் ஒரு ம்ணி ஆகிவிட்டபடியால் அவரிடம் விடை பெற்றேன்.

ஒரு சில மாதங்கள் கழித்து என் அண்ணன் மகளுக்கு திருமணம். அம்பத்தூரில் தான். திருமணத்தன்று முழுக்க முழுக்க அவருடந்தான் இருந்தேன்.என்னுடன் பள்ளிக்கூடத்தில் நடந்த சிறு சிறு நிகழ்ச்சிகளை அவர் பேசும் பொழுது அவருக்கு ஒரு சந்தோஷம். அது அவர் முகத்திலேயே தெரிந்தது. எழுபது வயதை தாண்டிவிட்டாலும் அவர் மனதில் ஒரு முப்பத்தி ஐந்து வயது இளமை ஊஞ்சலாடியது தெரிந்தது.

அவர் சொன்னார்... "பள்ளிக்கூடத்தில் வாத்தியாரா இருந்தப்போ இருந்த சந்தோஷம் காலேஜில் வேலை பார்த்த போது இல்லடா!. அந்த காலத்தை நினைச்சே வாழ்க்கையை ஒட்டிட்டு இருக்கேன். இப்ப வாத்தியாரும் வாத்தியாரா இல்லை. பையங்களும் அப்படித்தான். என்னவோ போ. உலகம் ரெம்ப மாறிப்போச்சு. ம்....." என்றார்.  எனக்கும் அவர் ஆதங்கம் புரிந்தது.

அந்த சந்திப்புக்கு பின் ஒருமுறை அவர் வீட்டுக்கு சென்றேன். அதன் பின் அவர் வேறு எங்கேயோ போய்விட்டார். அத்துடன் தொடர்பு அறுந்து விட்டது.

அவர் இருக்கிறாரா? எங்கு இருக்கிறார் என தெரியாது. ஆனால் அவரை பற்றிய என் எண்ணங்கள் நான் இருக்கும் வரை என் மனதில் இருக்கும். இவரைப்போலவே என் பள்ளி வாத்தியார்கள் பாலு சார், ஜகநாதன் சார், முஸ்தபா சார், தஸ்தகீர் சார் இவர்கள் எல்லாம் என் நினைவில் அடிக்கடி வருவார்கள்.

இதுதான் என் காலத்திய வாத்தியார் மாணவர் உறவு. இப்பொழுது இருக்கிறதா?

தேடுகிறேன்..................

அடுதத பதிவில் சந்திப்போம்............

 

 

Saturday, September 8, 2012

நிலக்கரி ஊழல் - மகாத்மா பாடுகிறார்!

ஸ்பெக்ட்ரம் ஊழல், காமன்வெல்த் கேம் ஊழல், நிலக்கரி ஊழல் என  ஊழல்களால் நொந்து போயிருக்கும்  பாரத தாயை பார்த்து வேதனையுடன் மகாத்மா காந்தி பாடும் பாடல்.

(தங்க பதக்கம் படத்தில் வரும் "சோதனைமேல் சோதனை" என்ற பாடல் மெட்டு)

ஊழல்மேல் ஊழல் போதுமடா சாமி
ஊழல்தான் ஆட்சியென்றால் தாங்காது நாடு

(ஊழல்மேல்.....)

தேர்தல் ஒரு கைவிலங்கு ஜனநாயகம் போட்டது - அதில்
ஓட்டு ஒரு கால்விலங்கு மக்கள் போட்டது

(ஊழல்மேல்.....)

ஆதாரம் இல்லையம்மா ஆறுதல் சொல்ல - நான்
அவதாரமில்லையம்மா தத்துவம் சொல்ல

பரிகாரம் தேடி நான் எவ்விடம் செல்ல - எனக்கு 
அதிகாரமில்லையம்மா பூலோகம் செல்ல

ஒரு நாளும் நான் இதுபோல் அழுதவனல்ல - அந்த
திருநாளை அரசியல்வாதி கொடுத்தான் யாரிடம் சொல்ல!

(ஊழல்மேல்.....)

(பாரத மாதா வசன நடையில் பேசுவது)

மகனே, காஞ்சுபோன பூமியெல்லாம்
வத்தாத நதியை பார்த்து ஆறுதல் அடையும்
அந்த நதியே காஞ்சி போயிட்டா..........

துன்பப் படுறவங்க எல்லாம்
அவங்க கவலையை  தெய்வத்துக்கிட்ட
முறையிடுவாங்க. ஆனா அந்த தெய்வமே
கலங்கி நின்னா - அந்த தெய்வத்துக்கு
யாராலே ஆறுதல் சொல்ல முடியும்?

பாட்டு தொடர்கிறது,

தானாடவில்லையம்மா சதையாடுது - அது
தேசதந்தை என்றும் அரசியல்வாதி என்றும் விளையாடுது

பூவாக வைத்திருந்தேன் பாரதமென்பது - அதில்
கருநாகம் புகுந்து கொண்டு சூறையாடுது

அடிதாங்கும் நாடிது  இடிதாங்குமா?
இடிபோல அரசியல்வாதி வந்தால் நாடுதாங்குமா?

(ஊழல்மேல்.....)
 



Friday, September 7, 2012

காணாமல் போகும் "வாத்தியார்" இனம்!

இன்று இந்தியாவில் அழிந்து வரும் புலி இனத்தை காக்க புலிகள் சரணாலயம், சமூக ஆர்வலர்களின் பங்களிப்பு, 24x7 ஆங்கில சேனல்கள் பிரபலங்களை வைத்து நிதி திரட்டுதல் என பலவகைகளில் முயற்சி மேற்கொள்ளப்பட்டு வருகிறது.

ஆனால், வறுமையிலும் ஆசிரியர் பணியே நாட்டுக்கு செய்யும் நற்பணி என தங்களை அர்ப்பணித்து கொள்ளும் மகத்தான "வாத்தியார்" இனம் கழிந்த முற்பது ஆண்டுகளாக அழியத்தொடங்கி, இன்று கூலிக்கு மாரடிக்கும் பட்டாளமாக மாறிவருவது, நாட்டின் அழிவையே காட்டுகிறது. நான் பள்ளியில் படிக்கும் காலத்தில் வாத்தியார் பணிக்கு சம்பளமும், சலுகைகளும் குறைவு. இருப்பினும் அந்த வேலைக்கு விரும்பி வந்து, ஆத்மார்த்தமாக பணியாற்றினர். அழிந்து வரும் இந்த இனத்தை யார் காப்பாற்ற போகிறார்கள்?

வாத்தியாரிடம் பெற்றோர்களும் மதிப்பும் மரியாதையும் வைத்திருந்தனர். காரணம் கிட்டத்தட்ட ஒரு நாளைக்கு ஏழு மணி நேரம் அவரின் கண்காணிப்பில் தான் மாணவர்கள் இருக்கிறார்கள். அந்த அளவுக்கு மாணவர்கள் பெற்றோரின் கவனிப்பில் இருப்பதில்லை. தன் குழந்தைகளை  ஆளாக்கும் தகுதி வாத்தியார்களுக்கு மட்டுமே இருக்கிறது என்பதை  உணர்ந்திருந்தனர். வீட்டுக்கு அடங்காமல் சண்டித்தனம் செய்யும் மாணவர்கள் கூட  வாத்தியார்களின் அன்பு கலந்த கண்டிப்புக்கு அடிபணிந்து போவார்கள். ஆனால் இன்றோ, வாத்தியார் கண்டிக்கிறார் என்றால், எதற்காக? யாருடைய நலனுக்காக கண்டிக்கிறார்? என்பதைக்கூட  உணராமல் விரோதியாக நினைத்து அவரையே கொலை செய்யும் நிலைக்கு மாணவர்கள் முன்னேறிவிட்டார்கள். அதைப்போலவே  இன்றைய ஆசிரியர்களும், மாணவர் ஏன் சரியாக படிக்கவில்லை? அதற்கான காரணம் என்ன என்பதை புரிந்து அதை சரி செய்வதை விட்டு விட்டு, தேர்வில் ஆல் பாஸ் வரவேண்டும் என்பதற்காக கண்மூடித்தனமாக தண்டனை என்ற பெயரில் மிருகத்தனமாக தாக்குவதும் நடக்கிறது. ஆக வாத்தியார்-----பிள்ளைகள்----- பெற்றோர்கள் என்ற உறவு சங்கிலி அறுந்து விட்டது.

இன்று கூட (இப்பொழுது எனக்கு வயது 60 ஆகிறது) நான் எதையாவது ப்ற்றி யோசிக்கும் பொழுது சுற்றி வளைத்து வரும் நினைவுகளில் என்னுடைய பள்ளி ஆசிரியர்கள் வருவார்கள். அந்த அளவுக்கு அன்று எங்களுக்கும் வாத்தியார்களுக்குமான உறவு ஆழமாக இருந்தது. நான் கல்லூரியில்(தூத்துக்குடி வ.உ.சி. கல்லூரி) படிக்கும் பொழுது விடுமுறையில் ஊருக்கு(செங்கோட்டை) வந்திருக்கும் சமயங்களில், எங்கேயாவது என்னுடைய ஆரம்ப பள்ளி ஆசிரியர்களில் இருந்து ஹைஸ்கூல் வாத்தியார் வரை யாரை பார்த்தாலும் மரியாதையுடன்(அப்பொழுது கையில் சிகரெட் இருந்தால் தூக்கி எறிந்து விட்டு, கைக்குட்டையால் நன்றாக வாயை துடைத்து விட்டு) அருகில் சென்று வணக்கம் சொல்லுவேன். அவர்களும் என்னுடைய கல்லூரி படிப்பை பற்றி விசாரிப்பதுடன் அறிவுரைகளும் சொல்லுவார்கள். நான் மட்டுமல்ல என் காலகட்டத்தில் இருந்த மாணவர்கள் எல்லோருமே அப்படித்தான்.

ஏழு எட்டு ஆண்டுகளுக்கு முன் ஒரு சம்பவம் நடந்தது. தென்னக ரயில்வேயில் இஞ்சினியராக இருந்த என் அண்ணன்(சித்தப்பா பையன்) வேறு ஊரிலிருந்து சென்னை அம்பத்தூருக்கு குடிவந்தார். அவர் என் வீட்டிற்கு  வந்தார். அப்பொழுது, என்னிடம் " என் வீட்டிற்கு பக்கத்தில் ஒரு ரிட்டயர்டு வாத்தியார் குடியிருக்கிறார். நீ ஹைஸ்கூலில் படிக்கும் போது அவர் உனக்கு வாத்தியாராம்" என்றார்.
"அப்படியா? அவர் பேர் என்ன?"
"அரங்கசாமி"
" அரங்கசாமி சாரா? எனக்கு தமிழ் வாத்தியார்" என்றேன். அவருடைய தொலைபேசி எண் என் அண்ணனிடம் இல்லாததால் உடனடியாக அவரிடம் பேசமுடியவில்லை. என் அண்ணன் போய்விட்டார்.
மறு நாள் போன் அழைப்பு வந்தது.
"ஹலோ"
" திரவியம் வீடுதான?"
"ஆமாம். திரவியம்தான் பேசுறேன் நீங்க யாரு?"
" டேய். நான் அரங்கசாமி பேசுரேண்டா"
" சார்.. எப்படி சார் இருக்கீங்க?"
" நல்லா இருக்கண்டா. உங்க அண்ணன் கூட நானும் உன்னை பாக்க வந்திருப்பேண்டா. வயசாயி போச்சுலா..  வெளியில எங்கும் போறது இல்லடா. ஆமாம் நீ எப்ப இங்க வர?"
"நாளைக்கு கலையில வரேன் சார்"
ஒரு சில நிமிடங்கள் பேசினோம்.

என் போன் சம்பாஷனையை கேட்டுக்கொண்டிருந்த என் மகள் (அப்பொழுது கல்லூரியில் படித்துக்கொண்டிருந்தாள்) "யாருப்பா போன்ல பேசினது" என்று கேட்டாள். நான் "என் ஹைஸ்கூல் வாத்தியார்" என்று சொன்னதும் அவளுக்கு ஆச்சர்யம்."எப்படிப்பா 35-40 வருஷத்துக்கு முன்னால கிளாஸ் எடுத்த வாத்தியாரைஉனக்கு ஞாபகம் இருக்கு?. அவருக்கும் ஞாபகம் இருக்கு?" என வியப்புடன் கேட்டாள். என் காலத்தில் உள்ள வாத்தியார் மாணவன் உறவுகளை பற்றி சொன்னேன். நம்ப முடியாமல் கேட்டுக்கொண்டாள்.

மறு நாள் காலையில் டூ வீலரில் அம்பத்தூர் ஓ.டி சென்று என் அண்ணன் வீட்டை தேடி கண்டுபிடித்தேன். அது ஒரு பிளாட்ஸ்.  2-ம் மாடியில் அவர் வீடு. இரண்டு வீடுகள் இருந்தது. வீட்டு வாசல் பக்கம் நம்பரை பார்த்தேன். முதல்  வீடுதான். கதவு மூடி இருந்தது. அடித்த வீட்டு கதவு திறந்திருந்தது. ஹாலில் வாசலுக்கு எதிராக போடப்பட்டிருந்த சோபாவில் ஒரு பெரியவர் உட்கார்ந்து வெளியே பார்த்துக்கொண்டிருந்தார். ஒரு வினாடி. என் மனசுக்குள் "இவர் அரங்கசாமி சாரா?" என்ற சந்தேகம் .சுமார் 40 வருடங்களுக்கு முன் பார்த்தது. மடிப்பு கலையாத வெள்ளை நிற முழு கை சட்டை. அகலமாக கரையுள்ள மடித்துக்கட்டாத எட்டு முழ வேட்டி, அடர்த்தியான கருமை நிற பாரதியார் மீசை. கலையாத சீவிய அடர்த்தியான தலை முடி. இந்த தோற்றத்தில் அவர் மனக்கண் முன் வந்தார். அதற்குள் வீடு வாசலுக்கு அருகில் வந்து விட்டேன். நான் என் அண்ணன் வீட்டு கதவை தட்டவும், அதுவரை என்னை பார்த்துக்கொண்டிருந்த அவர் " திரவியமா" என்றார்.

என் சந்தேகம் தீர்ந்து விட்டது. ஆமாம் அவர் என் வாத்தியார் தான். " ஆமாம் சார். நான் திரவியம் தான்" என் பதில் சொல்ல, அதே நேரத்தில் தன் வீட்டு கதவை திறந்து கொண்டு அண்ணனும் வெளியே வந்தார். அங்கேயே நின்று சில நிமிடங்கள் பேசினோம். என் அண்ணன் என்னை தன் வீட்டிற்கு கூப்பிட, என் தர்ம சங்கட நிலை புரிந்த அரங்க சாமி சார் என்னிடம் " போய் தலையை காட்டிட்டு வா. நாம நிறைய பேசனும்" என்றார். சரி என்று கூறி விட்டு அண்ணனுடன் சென்றேன். 15 நிமிடத்தில் அங்கிருந்து கிளம்பி, சார் வீட்டுக்கு போனேன். சோபாவில் தன் பக்கம் உட்கார சொன்னார். அவர் முன்னால் இதுவரை நான் உட்கார்ந்தது இல்லை. என்னை அறியாமலே ஒரு தயக்கம். "பராவாயில்ல சார்" என்றேன். என் கையை பிடித்து இழுத்து தன் பக்கத்தில் உட்கார வைத்தார். ஒரு கை என் தோளில் விழுந்தது. மறு கை என் கையை பிடித்தது. என்னை உற்று பார்த்தார். அடுத்த வினாடி அவர் கண்களில் நீர் வந்தது............

மீண்டும் அடுத்த பதிவில் சந்திக்கிறேன்...........




Sunday, September 2, 2012

உழுந்தம்பருப்பு சாதம் + தேங்காய் துவையல்.

தொடர்ந்து சூரிய ஒளி மின்சாரம், மின்சாரம், சமையல் எரிவாயு, காய்கறி தோட்டம் என உங்களை ரெம்பவும் நோகடித்து விட்டதால் பழையபடி நீங்கள் புத்துணர்ச்சி பெறவே இந்த பதிவு

உழுந்தம்பருப்பு சாதம்.

தேவையான பொருட்கள்.

1. பச்சரிசி-------------- 4 (கிண்ணம்) அதாவது தேவையான அளவு.
2. உளுத்தம்பருப்பு( தொலி நீக்கியது)----------- 1 கிண்ணம்.
3. தேங்காய் பூ--------------- 1 முறி தேங்காய்
4. உப்பு --------------- தேவையான அளவு.
குறிப்பு:  அரிசி, உளுத்தம் பருப்பு 4:1 என்ற விகிதம்.

செய்முறை:
பச்சரிசியை நன்றாக மூன்று முறை தண்ணீரில் கழுவி சுத்தம் செய்ய வேண்டும். 
உளுத்தம் பருப்பையும் நன்றாக கழுவி சுத்தம் செய்து கொள்ளவும்.
ஒரு முறி தேங்காயை நன்றாக திருகி பூ தயார் செய்யவேண்டும்.

அதன் பின் நான்கு கிண்ணம் சாதத்திற்கு எவ்வளவு தண்ணீர் வழக்கமாக வைப்பீர்களோ அதே அளவு தண்ணீர்ல் அரிசி, பருப்பு தேங்காய் இவை மூன்றையும் போட்டு,  சிறிது உப்பையும்(ருசிக்கு ஏற்ப) சேர்த்து குக்கரில் சாதத்தை வேக வைக்கவும்.

தேங்காய் துவையல்

1.நன்றாக முற்றிய தேங்காய் பூ ----- 1 முறி.
2.கோலிக்காய் அளவுக்கு புளி
3.சிறிது பெருங்காயத்தூள்
4. மிளகாய் வற்றல் --------- காரத்துக்கு ஏற்ப
5. உளுந்து ------- 1 ஸ்பூன்
6.கடுகு 1/2 ஸ்பூன்
7. கருவேப்பிலை கொஞ்சம்

செய்முறை:
உளுந்து, கடுகு, மிளகாய் வற்றல் ஆகியவற்றை தனித்தனியாக இருப்பு சட்டியில்(கடாயில்) போட்டு வறுத்து வைத்துக்கொள்ளவும். அத்துடன் தேங்காய் பூ, புளி, கருவேப்பிலை, உப்பு, பெருங்காயத்தூள் இவறை சேர்த்து கொஞ்சம் கொஞ்சமாக தண்ணீர் சேர்த்து கட்டியாகவும், நைஸ் ஆகவும் அம்மியில்(மிக்ஸியில்) அரைக்கவும். இப்பொழுது துவையல் ரெடி.

சுட்ட அப்பளம்: தேவையான அப்பளத்தை எடுத்து அடுப்பில் சுட்டு எடுக்கவும்.

சாப்பிடும் முறை:
1. சாதம் இளம் சூட்டில் இருக்கும் போது, நீங்கள் சாப்பிடும் சாதத்தின் அளவில் மூன்றில்  ஒரு பங்கு அளவுக்கு எடுத்துக்கொள்ளவும். அதில் முக்கால் எலுமிச்சை அளவுக்கு கருப்பட்டியை(வெல்லம்) எடுத்து நன்றாக தூளாக்கி அதில் போடவும். ஒரு கரண்டி நல்லெண்ணையை ஊற்றி நன்றாக சாதத்தை பிசைந்து சாப்பிடவும்.

2. அதன் பின் சாதத்தில் தேவையான அளவு துவையலை போட்டு, ஒரு கரண்டி நல்லெண்ணையை ஊற்றி சாதத்தை நன்கு பிசைந்து சுட்ட அப்பளத்துடன் சேர்த்து சாப்பிடவும்.

3. கடைசியாக தேவையான அளவு சாதத்தில் லூஸான தயிர் ஊற்றி பிசைந்து துவையலையும், சுட்ட அப்பளத்தையும் . தொட்டு சாப்பிடவும்.


மீண்டும் சந்திப்போம்...............

Friday, August 31, 2012

கடல்புறா - யவண ராணி. சாண்டில்யனின் சரித்திர நாவல்கள்

கடல்புறா

பி.டி.எஃப் வடிவில் புத்தகத்தை டவுன்லோடு செய்ய கீழே உள்ள லிங்-ஐ கிளிக் செய்யவும்.

கடல்புறா. பாகம். 1

கடல் புறா. பாகம் .2

கடல்புறா பாகம். 3

யவண ராணி

பி.டி.எஃப் வடிவில் புத்தகத்தை டவுன்லோட் செய்ய கீழெ உள்ள லிங்-ஐ கிளிக் செய்யவும்.
யவன ராணி. பாகம். 1

யவன ராணி. பாகம். 2


மீண்டும் சந்திப்போம்.................

Thursday, August 30, 2012

மின்சாரம்-பகுதி.12

2-வே சுவிட்ச் இணைப்பை பற்றி இப்பதிவில் பார்க்கலாம். பொதுவாக வீடுகளில் படுக்கை அறை, வராண்டா, மாடிப்படி ஆகிய இடங்களில் உள்ள விளக்குகளுக்கு 2-வே சுவிட்ச் பயன்படுத்தப்படும். படுக்கை அறையை பொறுத்தவரை மின் விசிறிக்கும் பயன்படுத்தப்படும்.

உதாரணத்திற்கு வராண்டா விளக்கு இணைப்பை எடுத்துக்கொள்ளலாம். இந்த சர்கியூட்டிற்கு 2-வே (Two Way) சுவிட்ச் இணைப்பு எப்படி கொடுக்கப்படுகிறது, அது எப்படி செயல்படுகிறது, அதன் உபயோகம் இவற்றை பார்க்கலாம்.

நாம் குடும்பத்துடன் வெளியில் சென்றுவிட்டு இரவில் வீடு திரும்புகிறோம் என வைத்துக்கொள்வோம். வராண்டா லைட்டுக்கு வராண்டா சுவிட்ச் போர்டில் ஒரு 2-வே சுவிட்ச்சும், ஹாலில் உள்ள சுவிட்ச் போர்டில் ஒரு 2-வே சுவிட்ச்சும் பொருத்தப்பட்டிருக்கும். லைட் ஆஃப் செய்யப்பட்டிருக்கும் நிலையில் 2-வே சர்கியூட் எந்த நிலையில் இருக்கும் என்பதை கீழே உள்ள படம் காட்டுகிறது.                                                                                  
 .
படத்தில் இடது கைப்பக்கம் உள்ளது  வராண்டாவில் உள்ள  சுவிட்ச் போர்டில் பொருத்தப்பட்டுள்ள சுவிட்ச் ஆகும்.  வலது பக்கம் உள்ள சுவிட்ச் ஹாலில் உள்ள சுவிட்ச் போர்டில் பொருத்தப்பட்டுள்ளது ஆகும்.

இந்த இரண்டு சுவிட்ச்சுகளுமே ஆஃப் நிலையில் உள்ளது.  நியூட்ரல் சப்ளையானது  நேரடியாக சப்ளையிலிருந்து(சுவிட்ச் போர்டிலிருந்து) சீலிங் ரோஸ் வழியாக பல்ப் அல்லது டியூப் லைட்டுக்கு செல்கிறது. 

2-வே சுவிட்ச்சில் 1,0,2 என மூன்று டெர்மினல் அல்லது காண்டாக் உண்டு. "0" என்ற நடுவில் உள்ள காண்டாக் பொதுவானது.  வராண்டாவில் உள்ள சுவிட்ச்சின் "2" என அடையாளமிடப்பட்ட காண்டாக்ட், ஹாலில் உள்ள சுவிட்ச்சின் "1" என அடையாளமிடப்பட்டுள்ள காண்டாக்டுடன் வயர் மூலம் இணைக்கப்பட்டுள்ளது. இதை போலவே வராண்டா சுவிட்ச்சின் "1" என அடையாளமிடப்பட்டுள்ள காண்டாக்ட் ஹாலில் உள்ள சுவிட்ச்சின் "2" என்ற காண்டாக்டுடன் வயரால் இணைக்கப்பட்டுள்ளது.

 சப்ளையின் பேஸ் முனை, வரண்டா சுவிட்ச்சின் "0" என்ற காண்டாக்டுடன் இணைக்கப்பட்டுள்ளது.  ஆஃப் நிலையில் "0" மற்றும் "1" ஆகிய இரு டெர்மினல் களுக்கும் இணைப்பு இருப்பதால் பேஸ் சப்ளை  காண்டாக்ட் "2" லிருந்து வயர் வழியாக ஹாலில் உள்ள  சுவிட்ச்சின் காண்டாக்ட் "1"  -க்கு செல்லும். அந்த சுவிட்ச் ஆஃப் நிலையில் இருப்பதால் அந்த சுவிட்ச்சின்  காண்டாக்ட் "0" -க்கு செல்ல முடியாது. எனவே பேஸ் சப்ளை லைட்டுக்கு கிடைக்காததினால் லைட் எரியாது.

இனி இரண்டாம் நிலையை பார்க்கலாம்.  நீங்கள் வராண்டாவில் உள்ள சுவிட்ச்சை ஆன் செய்யும் பொழுது எப்படி இணைப்பு மாறுகிறது என்பதை கீழே உள்ள படம் விளக்குகிறது.
வராண்டா சுவிட்ச்சை ஆன் செய்தவுடன் அந்த சுவிட்ச்சில்  "0" & "1" ஆகிய இரு காண்டாக்டுக்கும் இணைப்பு ஏற்பட்டு பேஸ் சப்ளை "1"-வது காண்டாக்டிலிருந்து வயர் மூலம்  ஹாலில் உள்ள சுவிட்ச்சின் காண்டாக்ட்"2"-ஐ அடைகிறது. அந்த சுவிட்ச்சின் காண்டாக்டுகள் "2" & "0" இணைப்பில் உள்ளதால், பேஸ் சப்ளை லைட்டுக்கு செல்லும். எனவே லைட் எரியும். அந்த லைட் வெளிச்சத்தில் ஹால் கதவை (மெயின் டோர்) திறந்து உள்ளே போய் விடுவோம்

இனி மூன்றாவது நிலையை பார்ப்போம். ஹாலில் இருக்கும் வராண்டா லைட்டிற்கான சுவிட்ச்  ஆஃப் நிலையில் இருக்கும். ஆனால் வராண்டா லைட் எரிந்து கொண்டிருக்கும். லைட்டை அணைக்க வேண்டுமானால் ஹாலில் உள்ள இந்த சுவிட்ச்சை ஆன் நிலைக்கு மாற்றினால் போதும். லைட்டுக்கு செல்லும் பேஸ் சப்ளை துண்டிக்கப்பட்டுவிடும். இதை கீழே உள்ள படம் விளக்குகிறது.

இனி நான்காவது நிலையை பார்க்கலாம். இப்பொழுது வரண்டா லைட் ஆஃப் நிலையில் உள்ளது. வராண்டாவில் உள்ள சுவிட்ச்சும் ஹாலில் உள்ள சுவிட்ச்சும் ஆன் நிலையில் உள்ளது.  இப்பொழுது வராண்டாவில் உள்ள சுவிட்ச்சை ஆன் நிலையில் இருந்து ஆஃப் நிலைக்கு மாற்றினால் லைட்டுக்கு பேஸ் சப்ளை கிடைத்து லைட் எரியும். இதை கீழே உள்ள படம் விளக்குகிறது.


சுருக்கமாக சொல்லப்போனால், 2-வே இணைப்பில் இரு சுவிச்சுகளும் ஒரே நிலையில் இருந்தால் லைட் எரியாது.  அதாவது ஒரு சுவிட்ச் ஆஃப்  நிலையிலும் மற்றது ஆன் நிலையிலும் இருக்க வேண்டும். இதுதான் 2-வே சர்க்கியூட்டின் கொள்கை.

மீண்டும் சந்திப்போம்.....................


Monday, August 27, 2012

மொட்டை மாடியில் ஆர்கானிக் காய்கறி தோட்டம்-கத்தரிக்காய்(Brinjal / Eggplant)

கத்தரிக்காய்


கத்தரி செடியின் ஆயுள் காலம்  சுமார் 150 நாட்கள். இது செடியின் ரகத்தை பொறுத்து  சில நாட்கள் வித்தியாசப்படும். 

தயார் செய்த மண் கலவையை,  டிரே அல்லது பிளாஸ்டிக் கேன் தொட்டியில் மூன்றில் இரண்டு பங்கு நிரப்ப வேண்டும். அதன் பின் விரலால் அரை அங்குலம் பள்ளம் ஏற்படும் வகையில் நீட்டு வசத்தில் கோடு போட வேண்டும். ஒரு கோட்டுக்கும் அடுத்த கோட்டுக்கும்  இரண்டு அங்குல இடைவெளி இருக்குமாறு கோடுகளை போட வேண்டும். அதன் பின் அந்த பள்ளத்தில்  இடைவெளி விட்டு கத்தரி விதைகளை ஒன்றிரண்டாக தூவ வேண்டும். பின் பள்ளத்தின் இருபக்கம் இருக்கும் மண்ணால் மூடி சமப்படுத்த வேண்டும். 

 காய்கறி தோட்டத்தில் கத்தரி பயிர் செய்யும் சிறு விவசாயி, சிறு அளவிலான  விதை படுக்கையை தயார் செய்து அதில் விதைப்பு செய்ய விரலால் பள்ளமாக்குவதை கீழே உள்ள படம் காட்டுகிறது.


அதன்பின்பு அந்த பள்ளத்தில் விதையை பரவலாக துவுவதை கீழே உள்ள படம் காட்டுகிறது.


விதை தூவப்பட்ட பின் மண்ணால் விதைகள் மூடப்படுவதை கீழே உளள படம் காட்டுகிறது.

அதன் பின் விதை முளைப்பதற்கு தேவையான ஈரப்பதம் மண்ணில் இருக்கும் வகையில் தினமும், விதை வெளியே வந்து விடாதபடி கவனமாக  பூவாளி மூலம்  தண்ணீர் தெளிக்க வேண்டும்.

ஒரு சில நாட்களில் விதை முளைத்து செடி வெளியே தெரியும். கிட்டத்தட்ட 30-35 நாட்களில்  மூன்று அல்லது நான்கு இலைகள் கொண்ட நாற்றாக வளர்ந்து விடும். அச்சமயம், அதன் வேர்கள் அறுந்து விடாதபடி கவனமாக பிடுங்கி  ஒரு தொட்டிக்கு ஒரு செடி வீதம் நட வேண்டும். இதை கீழே உள்ள படத்தில் காட்டிய படி பிளாஸ்டிக் கோணியிலும் வளர்க்கலாம்.


நாற்று நட்ட 40-45 நாட்களில்  நன்கு வளர்ந்த செடியாகி பூக்க ஆரம்பிக்கும். பூவின் படம் கீழே காட்டப்பட்டுள்ளது.

 அதன் பின் பூ காயாக மாறும்.  சுமார் இரண்டரை மாதம் காய் காய்க்கும். 

பூ பூக்கவும் அது காயாக மாறவும் அதற்கு தேவையான சத்தை கொடுக்கும் வகையில் வாரம் ஒரு முறை மக்கிய கம்போஸ்ட், மண்புழு உரம் ஆகியவற்றை போட்டு மண்ணை கிளறி விடவேண்டும்.  பூச்சி, புழுதாக்குதல் ஏற்படாமலிருக்க  முன் பதிவில் கூறியபடி வேப்பெண்ணை கரைசலை தெளிக்க வேண்டும்.

இதில் குறிப்பிடப்பட்டுள்ள நாட்க்கள் கணக்கு உத்தேசமானதே. விதையின் ரகம் இனம் ஆகியவற்றிற்கு ஏற்ப நாட்கள் வித்தியாசப்படும்.





Friday, August 24, 2012

சமையலறை கழிவில் இருந்து சமையல் எரிவாயு.3

இந்த தொடரின்  பகுதி 2-ல் குறிப்பிட்டபடி ARTI எனப்படும் Appropriate Rural Technology Institute-க்கு நான் அனுப்பிய மெயிலுக்கு பதில் அனுப்பி இருக்கிறார்கள். கீழே அவர்கள் தந்துள்ள கட்டண விபரங்கள் உள்ளன.

நான் விபரம் கேட்டிருந்தது, ரூ.2,500-க்கு இவர்கள் அனுப்பக்கூடிய கிட்(KIT)-ல் என்னென்ன பொருட்கள் இருக்கும் என்பதை பற்றிதான். அதைப்பற்றி எதுவுமே பதிலில் இல்லை.

இவர்களையே, நிர்மானம் செய்ய சொன்னால் தொட்டி, பைப் போன்ற பொருட்களை நம் ஊரிலேயே வாங்குவார்களாம். அவற்றின் விலையுடன் பயோ கேஸ் அடுப்பு, வால்வு அடங்கிய(என்னுடைய யூகம்) கிட்-க்கு ரூ.2500, ARTI Institutional Overhead Rs.1000, Technology Transfer charge Rs.1000, கூலி ரூ.6000, போக்குவரத்து செலவு இவற்றையெல்லாம் கொடுக்க வேண்டுமாம். இது வேலைக்கு ஆகாது. ARTI Institutional Overhead,  Technology Transfer charge,கூலி இவற்றை எல்லாம் கணக்கிட்டு கம்பெனிகள் விலையை நிர்ணயம் செய்கிறது. இந்த என்.ஜி.ஓ-க்கும் கம்பெனிகளுக்கும் எவ்வித வித்தியாசமும் இல்லை!

எனவே சென்னையில் இருக்கும் சிண்டெக்ஸ் வினியோகஸ்தரை தொடர்பு கொண்டு கேட்ட பொழுது 1000 லிட்டர் டைஜெஸ்டருக்கு  ரூ.24,000, 750 லிட் டைஜெஸ்டருக்கு ரூ.19,000 எனவும் விலை கூறினார்கள். சிண்டெக்ஸ் டைஜெஸ்டரின் படம் கீழே.


இந்த பதிவில் பயோ கேஸ் சிஸ்டம்(Anaerobic Digester) உள்ளூரில் கிடைக்கும் பொருட்களை உபயோகித்து தயார் செய்வதற்கு தேவையான பொருட்களை முதலில் பார்க்கலாம்.

முதலில் நாம் எவ்வளவு கொள்ளளவு கொண்ட சிஸ்டத்தை அமைக்க போகிறோம் என்பதை முடிவு செய்ய வேண்டும். நான்கு நபர்களுக்கு அதிகமாக அங்கத்தினர்கள் இருக்கும் குடும்பத்திற்கு 1.5 கியூபிக் மீட்டர்(1500 லிட்டர்), நான்கு நபர்கள் வரையுள்ள குடும்பத்திற்கு 1.0 கியூபிக் மீட்டர்(1000 லிட்டர்) கொள்ளளவு கொண்ட சிஸ்டம் தேவை. 

1500 லிட்டர் சிஸ்டம் என்றால் 1500 லிட்டர் தொட்டியும், 1000 லிட்டர் தொட்டியும் தேவை. 1000 லிட்டர் சிஸ்டம் என்றால் 1000 லிட்டர் தொட்டியும் 750 லிட்டர் தொட்டியும் தேவை. கீழே சிண்டெக்ஸ் தொட்டியின் அளவுகள் கொடுக்கப்பட்டுள்ளது.


பெரிய தொட்டிக்குள் சிறிய தொட்டியை தலைகீழாக கவிழ்த்த வேண்டும்.  பெரிய தொட்டிக்குள் (டைஜெஸ்டர் தொட்டி) தண்ணீருடன் சேர்த்து போடப்படும் சமையலறை கழிவிலிருந்து உருவாகும் கேஸ்-ஐ, கேஸ் ஹோலடர் எனப்படும் தலைகீழாக கவிழ்க்கப்பட்ட சிறிய தொட்டியினுள் சேமிக்க வேண்டும். இதுதான் இந்த சிஸ்டத்தின் அடிப்படை தொழில் நுட்பம்.                                           

1500 லிட்டர் தொட்டிக்குள் 1000 லிட்டர் தொட்டியை வைக்க முடியும். காரணம் அதன் விட்டம் 110 செ.மீ. 1500 லிட்டர் தொட்டியின் விட்டம் 135 செ.மீ. இதைப்போலவே 1000 லிட்டர் தொட்டியின் விட்டம் 110 செ.மீ என்பதால் 103 செ.மீ விட்டம் கொண்ட 750  லிட்டர் தொட்டியை அதனுள் வைக்க முடியும்.

Do It Yourself என்ற முறையில் 1500 லிட்டர் கொள்ளளவு கொண்ட டைஜெஸ்டர் சிஸ்டத்தை நாமே செய்வது பற்றி கீழே படங்களுடன் விரிவாக பார்க்கலாம். கீழே படத்தில் காட்டியபடி இரண்டு பிளாஸ்டிக் தொட்டியை தயார் செய்ய வேண்டும்.


1500 லிட்டர் தொட்டியின் மேல் பக்கம் நடுவில் 115 செ.மீ அளவிற்கு வட்ட வடிவமாக ஹேக்சா (HACKSAW) பிளேடு மூலம் வெட்டி எடுத்து விடவேண்டும்.

இப்பொழுது  தொட்டியின் மேல் பக்கம் 115 செ.மீ அளவுக்கு திறப்பு இருப்பதால் இதனுள் 110 செ.மீ விட்டம் உள்ள 1000 லிட்டர் தொட்டி தாராளமாக செல்லும். படத்தை பாருங்கள்

இனி பெரிய(டைஜெஸ்டர்)தொட்டியில் இணைக்க வேண்டிய இன்லெட் மற்றும் அவுட்லெட் பைப்புகளுக்கு தேவையான பிளம்பிங் பொருட்களை பார்க்கலாம். அவற்றின் படம் கீழே கொடுக்கப்பட்டுள்ளது.


நாம் அவுட் லெட்டுக்கு 2 1/2 இஞ்ச்(63 எம்.எம்) பைப்பு உபயோகித்தால், அதற்கான எல்போ, மேல் திரெட்டட் கப்ளர், பிமேல் திரெட்டட் கப்ளர் அல்லது நட்டு இவை எல்லாமே 2 1/2 இஞ்ச் ஆக இருக்க வேண்டும். அதைப்போல இன்லெட்-க்கு 3 இஞ்ச் பைப்பு உபயோகித்தால் அதற்கு தேவைப்படும் சாதனங்கள் எல்லாமே 3 இஞ்ச் ஆக இருக்க வேண்டும்.  இது பற்றி பின் விரிவாக பார்க்கலாம்.

இனி இந்த தொட்டியின்(பெரிய தொட்டி) மேல்பக்கம் கீழே உள்ள படத்தில் காட்டிய்படி 2.5"(63mm) அளவுள்ள MTA -ன் மரை உள்ள பக்கம், இறுக்கமாக உள்ளே செல்லும் வகையில் துளை போட வேண்டும்.

இதற்கு  MTA -ன் மரை(thread) பகுதியின் கனம் கொண்ட இரும்பு பைப் ஒன்றை எடுத்து நன்றாக தீயில் பழுக்க சூடு செய்து, அதை துளை போடவேண்டிய இடத்தில் அசைக்காமல் வைத்து அழுத்தினால் பைப் உள்ளே செல்லும். பைப்பை வெளியே எடுத்துவிட்டால் துளை ஆகிவிடும். பைப்பை தொட்டியில் வைத்து அழுத்தி உள்ளே நுளைத்து பின் வெளியே எடுக்கும் வரை, பைப்பை பக்க வாட்டில் அசைக்க கூடாது. அவ்விதம் செய்தால் ஒட்டை பெரியதாகிவிடும். கீழே உள்ள படங்களை பாருங்கள்.


துளையை உண்டாக்க தேவையான இரும்பு பைப்-ஐ அடுப்பில் பழுக்க சூடாக்க வேண்டும். கீழே உள்ள படத்தில் காட்டியபடி சூடாக்கப்பட்ட பைப்பை இடுக்கியால் (Grip Pliers)  பிடித்து தொட்டியின் மீது வைத்து அழுத்தினால் ஒட்டை விழும்.

.
அல்லது "Hole Saw Cutter" எனப்படும் துளைபோடும் கருவியை டிரில் மிஷினில் மாட்டி தேவைப்படும் அளவுக்கு துல்லியமாக துளை போடலாம். இந்த கருவி பிளைவுட் வேலை செய்யும் எல்லா கார்பெண்டர்களிடமும் இருக்கும். படம் கீழே.


இனி இதைப்போலவே இப்பொழுது போட்ட துளைக்கு எதிர்பக்கத்தில் கீழ்பக்கமாக கழிவுகளை போடும் பைப்-ஐ மாட்டுவதற்கான துளை போடவேண்டும். எந்த இடத்தில் துளை வர வேண்டும் என்பதை கீழே உள்ள படத்தை பார்த்து தெரிந்து கொள்ளுங்கள்.




இனி 1000 லிட்டர் அளவுள்ள தொட்டியில், அதன் மேல் பக்கம், அதாவது மூடி இருக்கும் பக்கம்,  கீழே உள்ள படத்தில் காட்டியபடி ஹேக்சா பிளேடினால் நான்கு பகுதிகளையும் வெட்டி எடுத்து விடவும். அதைப்போலவே மூடியையும் கழற்றி விடவும்.


கேஸ் ஹோல்டர் எனப்படும் இந்த தொட்டியை டைஜெஸ்டர் எனப்படும் பெரிய தொட்டிக்குள் தலைகீழாக கவிழ்த்தி வைக்கும் போது, வெட்டப்பட்ட பகுதி மற்றும் மூடியை கழ்ற்றியதால் ஏற்பட்ட திறப்பு இவற்றின் வழியாக, டைஜெஸ்டர் தொட்டிக்குள் நாம் ஊற்றும் சமையலறை கழிவும் தண்ணீரும் சென்று இரண்டு தொட்டிகளிலும் சமமாக நிரம்பும்.

அடுத்த பகுதியில் டைஜெஸ்டர் தொட்டியில் கழிவுகளை போடும் பைப் இணைப்பு,  மக்கிப்போன கழிவு கூழ் வெளிவரும் அவுட் லெட் பைப் இணைப்பு மற்றும் கேஸ் ஹோல்டர் எனப்படும் சிறிய தொட்டியில் பொருத்த வேண்டிய கேஸ் வால்வு இவற்றை பற்றி விரிவாக பார்க்கலாம்.

மீண்டும் சந்திப்போம்............


Thursday, August 23, 2012

மொட்டை மாடியில் ஆர்கானிக் காய்கறி தோட்டம்-முட்டைகோஸ்(Cabbage)

முட்டைக்கோஸ் (Cabbage)


நம் வீட்டு சமையலில் வாழைக்கய், கத்தரிக்காய், உருளை கிழங்கு போன்று முக்கிய இடம் பெறும் காய் முட்டைகோஸ் ஆகும். வீட்டு தோட்டத்திலும், தொட்டியிலும் எளிதாக வளர்க்க முடியும். இந்த பதிவில் இதைப்பற்றி பார்க்கலாம்.

இதை பயிர் செய்ய ஏற்ற காலம் மலைப்பாங்கான பகுதியில்(Hills) ஜனவரி-பிப்பிரவரி, ஜூலை-ஆகஸ்ட், செப்டம்பர்-அக்டோபர். சமவெளி பகுதியில் ஆகஸ்ட்-நவம்பர். இந்த கால விபரங்கள் பெரும் விவசாயிகளுக்குத்தான். நாம் எப்பொழுது வேண்டுமானாலும் பயிரிட்டு பார்க்கலாம். இதன் விதையை  தொட்டியில்/பிளாஸ்டிக் டிரேயில் விதைக்கலாம்.  பத்து செ.மீ இடைவெளியில் விதைகளை பரவலாக விதைக்க வேண்டும். கீழே விதையின் படம் காட்டப்பட்டுள்ளது.



கீழே உள்ள படத்தில், மூன்றில் இரண்டு பாகம் மண் கலவை நிரப்பப்பட்ட பிளாஸ்டிக் கேனில் விதையை நடும் முறை காட்டப்பட்டுள்ளது. பென்சிலால் சுமார் அரை அங்குல ஆழத்திற்கு பள்ளத்தை ஏற்படுத்தி அதனுள் ஒரு விதை என்ற கணக்கில், ஒரு விதைக்கும் அடுத்த விதைக்கும் சுமார் 10 செ.மீ இடைவெளியில் தேவையான விதைகளை விதைக்கவேண்டும். விதை போட்ட குழிகளை பக்கத்திலுள்ள மண்ணால் நிரப்பி விட வேண்டும். அதன் பின் பூவாளியால் தொட்டி மண் மீது மிதமான ஈரப்பதம் வரும் வரை தண்ணீர் தெளிக்க வேண்டும். 


இவ்விதம் தினமும் தொடர்ந்து மண்ணில் ஈரப்பதம் இருக்குமாறு தண்ணீர் தெளிக்க வேண்டும். ஒரு சில நாட்களில் விதை முளையிட்டு, செடி வெளியே வரும். கீழே உள்ள படத்தை பார்க்கவும்.


நான்கு ஐந்து இலைகள் வந்த பின், செடியை பிடுங்கி வேறு தொட்டிகளில் (கேன்) தொட்டிக்கு ஒன்றுவீதம்  நட வேண்டும். அவ்வாறு செடியை நடுவதற்காக  நாற்றை பிடுங்கும் பொழுது அதன் வேர்கள் அறுந்து விடக்கூடாது.  கீழே உள்ள படத்தில் காட்டியபடி செடியின் பக்கவாட்டில் மண்ணை கம்பியால் லேசாக கிளறி  செடியை எடுக்க வேண்டும்.


அதற்கு முன்பாகவே தேவைப்படும் கேன்களை மரப்பலகையின் மீதோ அல்லது செங்கல்களின் மீதோ வைத்து மண்கலவையை ஒவ்வொரு தொட்டியிலும் மூன்றில் இரண்டு பாகம் நிரப்பி ரெடியாக வைத்திருக்க வேண்டும்.



கீழே உள்ள படத்தில் காட்டியபடி ஒவ்வொரு தொட்டியின் நடுவிலும் ஒரு செடியை நடவேண்டும்.  நடுதல் என்றால் தொட்டியின் நடுவில் செடியின் வேர்கள் புதையும் அளவிற்கு குழியாக்கி அதனுள் வேர்கள் இருக்குமாறு நிற்க வைத்து பக்கத்திலுள்ள மண்ணால் குழியை நிரப்ப வேண்டும்.




சுமார் 50-60 நாட்களில் முட்டைகோஸ் உருவாகும். அது நன்றாக பெரியதாக ஆனவுடன் அறுத்தெடுத்து  உபயோகப்படுத்தலாம். கீழே உள்ள படத்தில் சிறிய அளவில் முட்டைகோஸ் வந்துள்ளது.


செடி வளர்ப்பவர்கள் தினமும் காலையிலும் மாலையிலும் சில நிமிடங்களாவது செடியை கவனிக்க வேண்டும். செடியில் எதாவது புழு அல்லது பூச்சி இருந்தால் அதை அழித்து விட வேண்டும்.  செடியின் இலையை பூச்சி அரித்து இருந்தால் அந்த இலையை வெட்டி எடுத்து விட வேண்டும். கீழே உள்ள படத்தை பார்க்கவும். உடனடியாக வேப்பெண்ணை, வேப்பெண்ணை சோப்பு கரைசல் இவற்றை தண்ணீரில் கலந்து செடியின் மீது ஸ்பிரே செய்ய வேண்டும்.


கீழே உள்ள படம் ஸ்பிரேயர் மூலம் மேலே கூறிய கரைசலை தெளிப்பதை காட்டுகிறது.


ஒவ்வொரு வாரமும் மக்கிய தழை உரம் அல்லது மண்புழு உரத்தை போட்டு மண்ணை கம்பால் செடிக்கு பாதிப்பு வராதவாறு கிளறி விட வேண்டும்.  தொட்டியில் இருக்கும் அதிகப்படியான நீர் துளையின் வழியாக வெளியே வரும். செங்கல் அல்லது பலகையின் மீது தொட்டியை வைப்பதால் துளைக்கு கீழ் புறம் சிறிய பிளாஸ்டிக் டப்பாவை வைத்து அந்த நீரை சேமித்து மீண்டும் பயன்படுத்தலாம். இதனால் மொட்டை மாடியின் தரை வீணாகாது. தண்ணீர் ஊற்ற பூவாளிக்கு பதில் துளையிடப்பட்ட மினரல் வாட்டர் பாட்டிலில் நீரை நிரப்பி தொட்டியினுள் வைக்கலாம். சொட்டு நீர் பாசன முறையில் நீர் பாயும்.


மீண்டும் சந்திப்போம்............


Wednesday, August 22, 2012

மொட்டை மாடியில் ஆர்கானிக் காய்கறி தோட்டம்

இன்றைக்கு இருக்கும் விலைவாசியில் சுமார் குழந்தைகள் உட்பட நான்கு நபர்கள் இருக்கும் குடும்பத்துக்கு சராசரியாக ரூ.40-50 க்கு காய்கறி வாங்க வேண்டும். எப்படி பார்த்தாலும் மாதத்துக்கு ரூ.1500/- செலவாகிறது. இவ்விதம் வாங்கும் காய்கள், பூச்சி கொல்லி மருந்து தெளித்து வளர்க்கப்பட்ட செடிகளிலிருந்து கிடைப்பவை. அதன் நச்சு தன்மை காய்களிலும் இருக்கும். எவ்வித ரசாயனப்பொருளும் உபயோகிக்காமல் இயற்கை முறையிலேயே நமக்கு தேவையான காய்களை ஏன் நாம் உற்பத்தி செய்யக்கூடாது? அதற்கு வீட்டில் தோட்டம் போட இடம் வேண்டும் என கவலைப்படவேண்டாம். இருக்கவே இருக்கிறது மொட்டை மாடி!

பிளாஸ்டிக் கோணிகள் அல்லது பிளாஸ்டிக் கேன் இவற்றை செடி வளர்க்க பயன்படுத்தலாம். மினரல் வாட்டர் பாட்டிலிலின் கீழ் பக்கம் ஊசியால் சிறிய துளை போட்டு அதில் நீர் நிரப்பி, செடியின் மூட்டில் வைப்பதன் மூலம் சொட்டு நீர் பாசன முறையில் தண்ணீர் ஊற்றலாம். தண்ணீர் செலவு குறைவு.

மிளாகாய், தக்காளி, கத்தரி, வெண்டை, முட்டைகோஸ், காலிஃப்ளவர், அவரை, பாகற்காய், காராமணி(தட்டப்பயறு) பீக்கங்காய், புடலங்காய், சுரைக்காய், வெங்காயம் போன்ற எல்லா காய்களையும் உற்பத்தி செய்யலாம்.

சில செடிகளின் விதைகளை நேரடியாக விதைக்க(ஊன்றுதல்) வேண்டும். உதாரணம் வெண்டை, அவரை, முட்டைகோஸ். சிலவற்றை விதைத்து பின் நாற்றாக வளர்ந்த பின் தனித்தனியாக நடவு செய்ய வேண்டும். உதாரணம் கத்தரி, மிளகாய், தக்காளி.

தேவையான பொருட்கள்

1. நாற்றுக்கள் தயார் செய்ய: குழித்தட்டு (Multi Cell Tray) & பிளாஸ்டிக் டிரே(Plastic Tray)
  

பிளாஸ்டிக் டிரே

குழித்தட்டுகள் செடி மற்றும் விதைகள் விற்கும் நர்சரியில் கிடைக்கும். இது நம் ரெஃப்பிரிஜியேட்டரில் ஐஸ் கியூப்புக்கு உள்ள தட்டை போலவே இருக்கும். இதற்கு பதில் பிளாஸ்டிக் பொருட்கள் விற்கும் கடையில் கிடைக்கும் டிரேயை உபயோகப்படுத்தலாம். ஆனால் இவை 5அங்குல ஆழம்(Depth)) உள்ளதாக இருக்க வேண்டும். சாதாரணமாக 1 /12 அடிக்கு 1 1/4 போன்ற சைஸ்களில் கிடைக்கும். தேவையான சைஸ் பார்த்து வாங்கலாம்.

2. செடி வளர்க்க:  பிளாஸ்டிக் கோணிகள் / பெரிய பிளாஸ்டிக் கேன்
செடியை வளர்க்க பிளாஸ்டிக் கோணியை பயன்படுத்தலாம். இப்பொழுதெல்லாம் அரிசியிலிருந்து ரசாயன பொருட்கள் வரை எல்லாவற்றையும்  சணல் கோணிகளுக்கு பதிலாக பேக் செய்ய கம்பெனிகள் இந்த பிளாஸ்டிக் கோணிகளைத்தான் உபயோகிக்கிறது. எனவே இவற்றை பழைய புட்டி கடையில் தேவையான அளவிற்கு மலிவாக வாங்கலாம்.

உதாரணத்திற்கு 2 அடி அகலமும் 3 அடி உயரமும் உள்ள கோணியை எடுத்துக்கொள்வோம். கோணியின் வாய் பகுதியை உட்புறமாக அடிப்புறத்தை தொடுமாறு  மடக்க வேண்டும். இப்பொழுது கோணியின் உயரம் 1 1/2 அடியாக ஆகிவிடும். அதன் சுற்றுப்பகுதி இரண்டு லேயர் உள்ளதாக ஆகிவிடும்.  இதனுள் செடிவளர்க்க தேவையான மண்ணை நிரப்ப வேண்டும். தண்ணீர் தேங்கி நிற்பதை தவிற்க  கோணியின் பக்க வாட்டில், கீழ் பக்கமாக கனமான ஊசியால் ஒரு சில துவாரங்களை போடவேண்டும்.


பிளாஸ்டிக் கோணி

அல்லது பெரிய பிளாஸ்டிக் கேன்களை பயன்படுத்தலாம்.இவை பல வருடங்கள் உழைக்கும். படத்தில் காட்டியபடி பெரிய கேன்களை எடுத்து இரண்டாக ஹாக்சா பிளேடினால் அறுத்தால் இரண்டு தொட்டிகள் கிடைக்கும். அவற்றின் கீழ் பக்கம் தண்ணீர் வடிய துளையை போடவேண்டும். அதன் பின் இதில் மண்ணை நிரப்பி செடி வளர்க்கலாம்.




3. செடி வளக்க தேவையான மண்: 
 தோட்ட மண், சாண தூள், மக்கிய கம்போஸ்ட் உரம், மணல். இவை நான்கையும் சம அளவில்(1:1:1:1) கலந்து மண் கலவையை தேவையான அளவிற்கு  தயார் செய்து கொள்ள வேண்டும். இதில் கல், செங்கல் கட்டி, சிமிண்ட் கலவைகள், செடி, களைகள் இவை இல்லாதவாறு சுத்தம் செய்து உதிரியாக ஆக்க வேண்டும்.


காய்ந்த சாணத்தூள், மக்கிய கம்போஸ்ட் உரம் இல்லை என்றால் மண்புழு உரத்தை அதற்கு பதிலாக உபயோகிக்கலாம்.

4.  நீர் பாசனம்:  காலி ஒரு லிட்டர் மினரல் வாட்டர் பாட்டில்கள்

நாம் வளர்க்கும் செடிகளுக்கு சொட்டு நீர் பாசன முறையில் தாண்ணீர் விட்டால் தண்ணீர் வீனாகாது. காலியான மினரல் வாட்டர் பாட்டில்களின் அடிப்புறம் படத்தில் காட்டியபடி ஊசியால் ஒரு சிறய துளையை போட்டு அதில் தண்ணீரை நிரப்பி செடியின் மூட்டில் வைத்து விட்டால் தண்ணீர் சொட்டு சொட்டாக செல்லும். 

நமக்கு தேவையான காய்கறி செடியின் தரமான் விதைகளை தமிழ் நாடு அரசு தோட்டக்கலை துறையிடமிருந்தும், விவசாய பல்கலைகழகத்திடமிருந்தும் பெறலாம். வீட்டு காய்கறி தோட்டத்திற்கான விதை பாக்கெட்டுகள் குறைந்த விலையில் கிடைக்கிறது. பாக்கெட்டின் விலை ரூ.15 அல்லது 20 இருக்கும். இவர்களிடம் வாங்கும் விதைகள் தரமானதாக இருக்கும். அல்லது தனியார் நர்சரியிலிருந்தும் வாங்கலாம்.

அடுத்த பதிவில் கத்தரி செடி வளர்ப்பது பற்றி பார்க்கலாம்.

மீண்டும் சந்திப்போம்.................





Sunday, August 19, 2012

மின்சாரம்-பகுதி.11

மின் பழுதுகளை பற்றியும் அவற்றை நீக்குவது பற்றியும் இனி பார்க்கலாம். பொதுவாக பழுதுகளை மூன்று வகையாக பிரிக்கலாம். அவை 1).ஷார்ட் சர்க்கியூட் (Short Circuit),  2). லூஸ் காண்டாக்ட் (Loose Contact), 3).மின் சாதனங்களில் ஏற்படும் பழுதுகள்.

ஷார்ட் சர்க்கியூட்:
மின்சார பழுதுகளிலேயே மிகவும் ஆபத்தானது இது. இதன் காரணமாகவே தீ விபத்துக்கள் ஏற்படுகிறது. மின்சார வயரிங்களுக்கு பயன்படுத்தப்படும் வயர் செப்பு ன்கம்பியால் ஆனது. முன் காலத்தில் இந்த செப்பு கம்பி ஒற்றை வயராக (Single Strand) இருக்கும். அதாவது 1/18 வயர் என்றால் அதில் 18 கேஜ் கம்பி ஒன்று இருக்கும். 3/20 என்றால் மூன்று 20 கேஜ் கம்பிகள் இருக்கும். 7/20 என்றால் ஏழு 20 கேஜ் கம்பிகள் இருக்கும். இப்படி ஒற்றை கம்பியை உபயோகிப்பதால் ஏற்படும் மின் இழப்பை தவிர்க்க இப்பொழுது பல மெல்லிய கம்பிகள் உபயோகப்படுத்தப்படுகிறது. இது மல்டி ஸ்ட்ராண்ட்(Multi Strand) என அழைக்கப்படுகிறது. 1/18, 3/20,7/20 என்ற அளவுகளில் இல்லாமல் தற்பொழுது மெட்ரிக் சிஸ்டத்தில் 1sq mm, 1.5sq mm, 2.5sq mm, 4sq mm , 6sq mm,10sq mm என்ற அளவுகளில் தயாரிக்கப்படுகிறது.

ஃபினோலெக்ஸ் என்ற நிறுவன தயாரிப்பு வயர்களில் கீழ் கண்டவாறு செப்பு கம்பிகள் பயன்படுத்தப்படுகிறது. இது கம்பெனிக்கு கம்பெனி மாறுபடும்.

1sq mm  = 32 x 0.2mm (அதாவது 0.2mm கனமுள்ள 32 கம்பிகள்)
1.5sq mm =30 x.0.25mm / 48 x 0.2mm
2.5sq mm =50X0.25 mm / 80x 0.2mm
4sq mm= 56 X0.3mm
6sq mm = 84 X 0.3 mm

வய்ரை சுவிட்ச், சாக்கெட், சீலிங் ரோஸ், ஹோல்டர், பியூஸ் யூனிட் ஆகியவற்றில் இணைப்பு கொடுக்க நுனிப்பகுதியிலுள்ள பிளாஸ்டிக் இன்சுலேஷனை நீக்கி செப்பு கம்பியை வெளியே எடுப்போம். அவற்றை நன்றாக முறுக்கிய பின்பே டெரிமினலுள் நுழைத்து ஸ்குருவை டைட் செய்ய வேண்டும். அவ்வாறு நன்றாக டுவிஸ்ட் செய்யாமல் இணைக்கும் பொழுது ஒரு சில செப்பு கம்பிகள் தனியாக வெளியே நீட்டிக்கொண்டிருக்கும். இவை சப்ளையின் நியூட்ரல் வயரை/ டெர்மினல் இவற்றை தொட வாய்ப்பு ஏற்படும். அச்சமயம் ஷார்ட் சர்க்கியூட் ஏற்படும்.

ஒரு வயரின் மின்சாரத்தை கடத்தும் திறனுக்கு அதிகமான கரண்டை எடுக்கக்கூடிய சாதனத்தை இணைக்கும் பொழுது வயர் சூடாகி, அதன் மீதுள்ள இன்ஸ்சுலேஷன் உருகிவிடும். அப்பொழுது செப்பு கம்பி வெளியே வந்து, அத்துடன் உருகிய நிலையில் இருக்கும் நியூட்ரலை தொட்டு ஷார்ட் சர்க்கியூட் ஏற்படும். 

லூஸ் காண்டாக்ட்
மேலே குறிப்பிட்டபடி வயர் இணைப்பின் பொழுது, கனெக்டருக்குள் வயரின் நுனியை நுழைத்து நன்றாக ஸ்குருவை டைட் செய்ய வேண்டும். அவ்வாறு செய்யாத பட்ச்சத்தில் அந்த இணைப்பு லூஸ் ஆகிவிடும். அதனால் மின் இணைப்பு விட்டு விட்டு கிடைக்கும். அப்பொழுது ஸ்பார்க் ஏற்பட்டு வயரிங்கின் பிளாஸ்டிக் இன்சுலேஷன் உருகி தீ விபத்து ஏற்படும். 

மின் சாதன பழுதுகள்
டேபிள் ஃபேன், அயர்ன் பாக்ஸ், ஏர் கூலர், மிக்ஸி, கிரைண்டர் போன்ற சாதனங்களை பிளக் பாயிண்டில் இணைத்து பயன்படுத்துவது வழக்கம். இவற்றில் ஷார்ட் சர்க்கியூட் அல்லாத பழுது ஏற்பட்டு இருக்குமானால், சாதனம் இயங்காது. ஆனால் மின் சப்ளை இருக்கும். ஷார்ட் சக்கியூட் ஏற்பட்டு இருக்குமானால் அதற்கான செக் ஷன் பியூஸ் யூனிட்டில் பியூஸ் போய் விடும். பியூஸ் வயர் தேவையான அளவுக்கு அதிகமான கனத்தில் போடப்பட்டிருக்குமானால், பியூஸ் போகாமல் வயரின் இன்சுலேஷன் தீ பற்றிக்கொள்ளும். எனவே சரியான அளவு பியூஸ் வயர்களையே பியூஸ் யூனிட்டில் பயன்படுத்த வேண்டும். சரியான அளவு என்றால் என்ன என்ற கேள்வி உங்களுக்கு எழலாம். உதாரணத்திற்கு  தண்ணீர் மோட்டாருக்கான இணைப்பை எடுத்துக்கொள்வோம். 1 HP மோட்டார் பம்பு என்றால் அது இயங்க தேவையான மின்சாரம்  4 ஆம்பியர்(1HP = 756 Watts. W = V x A  ie A=W / V ie 800/230 = 3.75 Amps. அதாவது 4 ஆம்பியர் . இதற்கு 5 ஆம்பியர் பியூஸ் வயரை உபயோகிக்க வேண்டும். MCB என்றால் அதன் குறைந்த பட்ச அளவே 6 ஆம்பியர் என்பதால் 6 ஆம்பியர்  MCB-ஐ உபயோகிக்க வேண்டும்.

இனி வயரிங்களுக்கு பயன்படுத்தும் வயர்களின் அளவு, அவ்ற்றின் மின்சாரத்தை கடத்தும் திறன் இவற்றை பார்க்கலாம். கீழே தரமான வயர்களின்
திறன் பட்டியலாக தரப்பட்டுள்ளது.



1. சுவிட்ச் போர்டிலிருந்து டியூப் லைட், லைட் ஹோல்டர், ஃபேன் போன்றவற்றிற்கு 1 sq mm  அல்லது 1.5 sq mm  வயர் உபயோகப்படுத்தப்படும். இதை லைட் பேஸ் என சொல்லுவார்கள்.
2. சுவிட்ச் போர்டிலிருந்து மேற்குறிப்பிட்ட இணைப்புகளுக்கான பொது நியூட்ரலுக்கு (Common Neutral) 2.5 sq mm வயரை உபயோகப்படுத்தவேண்டும்.
3. சுவிட்ச் போர்டிலுள்ள 5 ஆம்பியர் பிளக் சாக்கெட்டுக்கு 2.5 sq mm வயரை உபயோகப்படுத்த வேண்டும்.
4. கிரைண்டர், மிக்ஸி போன்றவற்றிற்கான பிளக் சாக்கெட் வயரிங்க்கு 2.5 sq mm உபயோகிக்க வேண்டும்.
5. வாட்டர் ஹீட்டர், ஏர் கண்டிஷ்னர் போன்றவற்றிற்கு 4 sq mm வயரை உபயோகிக்க வேண்டும்.
6. பிளக் சாக்கெட், ஏசி பாயிண்ட், ஹீட்டர் கிரைண்டர் போன்ற அனைத்து சாதனங்களுக்கும் உரிய வயரிங்கில் எர்த்துக்கு 1.5 sq mm வயரை பயன்படுத்த வேண்டும்.
7. அனைத்து நியூட்ரலுக்கும் 2.5 sq mm வயரை உபயோகித்தால் போதும்.


அடுத்த பதிவில் மீண்டும் சந்திப்போம்....................





Wednesday, August 15, 2012

மின்சாரம்-பகுதி.10

முந்தைய பதிவுகளில் பீங்கானால் செய்யப்பட்ட பியூஸ் யூனிட்களை  சப்ளையின் மெயின் பியூஸ் யூனிட்டாகவும், செக்சன் பியூஸ் யூனிட்டாகவும் பயன்படுத்தப்படுவதை பற்றி பார்த்தோம்.  தொழில் நுட்பம் வளர வளர, சாதனங்களில் மாற்றம் வருவது இயற்கையே.  அதன்படி பீங்கானினால் ஆன பியூஸ் யூனிட்களுக்கு பதிலாக   Miniature Circuit Breaker (MCB), Isolator, Earth Leakage Circuit Breaker (ELCB) / Residual Current Circuit Breaker(RCCB) என பல சாதனங்கள் இப்பொழுது கிடைக்கிறது. இவற்றின் செயல்பாடு, பயன்பற்றி இந்த பதிவில் விரிவாக பார்க்கலாம்..

Porcelain Fuse Unit

இதில் போடப்படும் பியூஸ் வயர் உருகிவிட்டால், மறுபடியும் பியூஸ் வயரை போடக்கூடிய் ஒன்றாகும். அதாவது "Rewireable Fuse Unit" ஆகும. கீழே கொடுக்கப்பட்டுள்ள படத்தில் பியூஸ் யூனிட்டின் டாப்பில் எவ்வாறு பியூஸ் வயர் இணைக்கப்பட்டுள்ளது என்பது காட்டப்பட்டுள்ளது.


மின்சார பொருட்களை விற்பனை செய்யும் கடைகளிலேயே பியூஸ் வயர் கிடைக்கும். இது 5 ஆம்பியர், 10 ஆம்பியர் என பல திறன்களில் கிடைக்கும். பியூஸ் வயர் என்பது செம்பு கம்பியின் மீது தகர பூச்சு (Tinned Copper Wire) பூசப்பட்ட ஒன்றாகும். நாம் இதற்கு பதிலாக, வயரிங் செய்ய பயன்படுத்தும் வயர்களின் உள்ளே பல மெல்லிய செப்பு கம்பிகள் இருக்கும். அவற்றை ஒன்று, இரண்டு, மூன்று என, நம் தேவைக்கு ஏற்ற திறனை தரும் வகையில் ஒன்றாக இணைத்து  உபயோகிக்கலாம். அனைத்து எலெக்ட்டிரீஷியன்களும் இதைத்தான் செய்வார்கள்.

MCB (Miniature Circuit Breaker)

இது பியூஸ் யூனிட்டின் வேலையையே செய்கிறது. ஆனால் ஒரு வித்தியாசம். சர்க்கியூட்டில் ஏதாவது பழுது இருந்து அதிக அளவு மின்சாரம் எடுத்தாலோ அல்லது ஷார்ட் சர்க்கியூட் ஏற்பட்டாலோ, பியூஸ் யூனிட்டில் பியூஸ் உருகி இணைப்பை துண்டித்து விடும். ஆனால் இதில்(MCB), இதிலுள்ள சுவிட்ச் கைப்பிடி மேல் நோக்கி வந்து, மின் இணைப்பை துண்டித்து விடும் வகையில் இதன் மெக்கானிசம் செயல்படும். அதாவது இதனுள் உள்ள, சூட்டினால் விரிவடையக்கூடிய விஷேட உலோகத்திலான லீவர், குறிப்பிட்ட அளவுக்கு மேல் மின்சாரம் இதன் வழியாக சென்றால், அந்த உஷ்ணத்தால் விரிவடைந்து இணைப்பை துண்டித்து விடும். அப்பொழுது சுவிட்ச்சின் கைப்பிடி மேலே வந்துவிடும்.
சூட்டினால் விரிவடைந்த உலோக தகடு தன் நிலைக்கு வர சில நிமிடங்கள் ஆகும். அதன் பின்பே எம்.சி.பி-ஐ ஆன் செய்ய முடியும்.  இதை உபயோகிப்பதால் பியூஸ் போடும் வேலை இல்லை.இது 6,10.16,20,25,32,64 ஆம்பியர் என பல திறன் கொண்டதாக கிடைக்கிறது.

இதை மரப்பலகையிலோ அல்லது சுவிட்ச் போர்டிலோ பொருத்த முடியாது. உலோகத்திலான ரெயில் எனப்படும் வளைவான அமைப்யு கொண்ட  தகட்டில்தான் பொருத்த முடியும். MCB, ISOLATOR, ELCB / RCCB போன்றவைகளை எல்லாம் பொருத்துவதற்கென்று பல மாடல்களில் மெட்டல் பாக்ஸ்கள் கிடைக்கிறது. இவற்றில் இந்த ரெயில்கள் பொருத்தப்பட்டிருக்கும்.  ரெயிலின் படம் கீழே தரப்பட்டுள்ளது.


இந்த தகடு 3.5 செமீ அகலம் கொண்டதாக இருக்கும். நாம் பொருத்தப்போகும் எம்.சி.பி-ன் எண்ணிக்கைக்கு ஏற்ப நீளம் தேவை. மெட்டல் பாக்ஸ்-ல் நீளவாக்கில் இது மாட்டப்பட்டிருக்கும். படத்தில் காட்டப்பட்டுள்ள A - BOTTOM என்ற தகட்டின் விளிம்பில்  எம்.சி.பி-ன் பின் பக்க  அடிப்புற காடி (GROOVE) -ஐ மாட்டிவிட்டு, எம்.சி.பி-ன் மேல் பக்கத்தை ரெயிலின் மேல் பக்கத்தில்(B-TOP) வைத்து அழுத்தினால் தானாகவே MCB லாக் ஆகிவிடும்.  

 ISOLATOR

ஐசோலேட்டர் என்பது  மெயின் சுவிட்ச் போலத்தான்.  சாதாரண மெயின் சுவிட்ச்சில் பியூஸ் யூனிட் இருப்பதால் பியூஸ் போகும் பாதுகாப்பானது. இரண்டாவது ஆன்/ ஆஃப் செய்யும் வசதி உண்டு. ஐசோலேட்டரில் பியூஸ் கிடையாது.  ஆன்/ஆஃப் செய்ய மட்டுமே பயன்படும். இது 2-போல், 3-போல் & 4-போல் அமைப்பில் கிடைக்கிறது.  40,63,100 ஆம்பியர் என்ற திறன்களில் கிடைக்கும். 2-போல் ஐசோலேட்டரை சிங்கிள் பேஸ் சர்வீஸ்க்கும், 3,4-போல் ஐசோலேட்டரை 3-பேஸ் சர்வீசுக்கும் பயன்படுத்தவேண்டும்.

ELCB/RCCB


ELCB  அல்லது RCCB இவை இரண்டுமே ஒன்றுதான். இதன் வழியாக செல்லும் மின் சப்ளையில் இணைக்கப்பட்டுள்ள ஏதாவது ஒரு சாதனத்தில் மின் கசிவு ஏற்பட்டு எர்த் ஆனாலோ அல்லது பேஸ் முனையை யாராவது தவறுதலாக தொட்டுவிட்டாலோ, இந்த சாதனம் 30 மில்லி செகண்டில் மின் இணைப்பை  துண்டித்துவிடும். இதனால் மின் சாதனங்களுக்கு மட்டுமட்டுமல்லாமல் மனிதர்களுக்கும் மின்சாரத்தினால் ஏற்படக்கூடிய ஷாக், உயிரிழப்பு இவற்றிலிருந்து முழு பாதுகாப்பு கிடைக்கிறது. இது சரியாக இயங்குகிறதா என்பதை பரிசோதித்து பார்க்க இதில் டெஸ்ட் பட்டன் உண்டு. அதை அழுத்தினால் டிரிப் ஆகி மின் இணைப்பு துண்டிக்கப்படும். இவ்விதம் டிரிப் ஆனால், சரியாக செயல்படுகிறது என பொருள். இச்சாதனம் 2-போல், 4-போல் மாடல்களில் கிடைக்கிறது. படம் கீழே தரப்பட்டுள்ளது,



2-போல் --- சிங்கிள் பேஸ் மின் இணைப்பிற்கு

4-போல்---- 3-பேஸ் மின் இணைப்பிற்கு,

இதன் திறன்  ----------- 16 Amps, 25 Amps, 40Amps, 63 Amps etc

இதன்  சென்சிவிட்டி  ------ 30 mA, 100mA, 300mA, 500mA ஆகும்

MCB DB.

MCB, Isolator, ELCB ஆகியவற்றை பொருத்த ரெடிமேடாக மெட்டலால் ஆன டிஸ்ட்ரிபியூஷன் பாக்ஸ்-கள் பல அளவுகளில் கிடைக்கிறது. அதன் படம் கீழே கொடுக்கப்பட்டுள்ளது.





மீண்டும் சந்திப்போம்...........